السلام عليكم ورحمة الله وبركاتة
كل عام وانتم بخير
ماشاء الله تحدد موعد دورتكم و التوجية .. الف مبرووك وعقبال التخرج ان شاء الله
بعطيكم بعض المعلومات وان شاء الله تفيدكم بخصوص التوجية ..

القوات البرية و الجوية و الدفاع الجوي : اللي في القطاعات ذي توقع نفس في اي مكان بالسعوديةسواء كان شمال ولا جنوب ولا غرب ولا شرق
طبعا قبل التخرج بشهر يعطونكم نماذج تعبونها وفيها شي اسمه رغبات التعيين حط لك ثلاث رغبات , مثلا الرغبة الاولى : الشمالية الغربية , الرغبةالثانية الشمالية , الرغبة الثالثة الوسطى .
ويكون توجيهك للرغبات حسب الوظائف الشاغرة , راح يشوفون رغبتك الاولى اذا فيها وظيفة شاغرة لتخصصك يتم توجيهك عليها اذا مو متوفرة الوظيفة ينتقلون للرغبة الثانية وهكذا ..
لا تنسى ان الاقدمية تلعب دور كبير يعني انت ومعك كم واحد وكلكم من نفس التخصص واخترتم نفس مكان تعيين راح يشوفون اقدم واحد ويحطونه عليه ..
ولا تنسى انك عسكري يعني مو شرط انهم يحطونك ع الرغبة اللي انت اخترتها .. وفي يوم التخرج ان شاء الله راح يعطونك ورقة فيها مكان تعيينك ..

الإدارات التابعة للقوات المسلحة : الادارة العامة للاشغال العسكرية , الادارة العامه للمساحة العسكرية , ادارة تقنية المعلومات , كلية القيادة والاركان , هيئة العمليات ,الادارة العامة لشؤون المتقاعدين وغيرها ...
اضمن نفسك تعيينك بالرياض 95% , يعني ماراح يخلونك تحدد رغبات تعيين لانك بتعيين بالرياض .

القوات البحرية : جدة و الشرقية , ومادري جازان فيها تعيين ولا باقي , غالبا التعيين من عندهم م يخلونك تحدد رغبات ويتم تعيينك ع حسب احتياج تخصصك .

قوة الصواريخ الاستراتيجية : الطائف , الدوادمي و السليل وفيه بعد كم مدينة نائية غيرها , غالبا التعيين من عندهم م يخلونك تحدد رغبات ويتم تعيينك ع حسب احتياج تخصصك .

والله يوفقكم ويسهل عليكم الدورة ويعينكم عليها ..