اقتباس:
المشاركة الأصلية كتبت بواسطة صفحه جديده
هلا بك والله ولا ازعاج ولا هم يحزنون
اليوم الأحد 4 أكتوبر اختبرنا وكان عددنا حوالي 20 شخص
طبعاً جينا من 7 حسب كلامهم بالأيميل موعد الاختبار 8 والحظور قبلها بساعه لكن للأسف لطعونا ولا داوموا الا 8 وزياده والاختبار بدا الساعه 9
طبعا كان مقسم 5 اقسام وكله عالحاسب الالي
وتقريباً كان الاختبار متوسط نوعاً ما خاصة للي عنده خلفيه او يفهم بالانقليزي بيمشي اموره ان شاء الله
قسم الفوكابلري معروف جمل ومرادفات ومن هالكلام
قسم الكتابه
كان جايب موضوع عن النادي الصحي ويقولك كيف عرفت عن النادي تكلم بحوالي 30 جمله
ثمن يقول راسل مدير النادي أتوقع بخصوص مشكله وتكلم مابين 20 و 30 جمله
ثمن راسل اصدقاك بخصوص موضوع النادي ومن هالكلام
قسم المحادثه
يجيب لك صور ويقول وش تشوف في الصوره
جاب صورة ورع يقرا كتاب
وجاب صورتين رجال وحرمه بكوفي ورجال وحرمه بمطعم يقول وش تشوف ووش جالسين ياكلون ووش تتوقع أي من الصورتين اكلهم صحي اكثر من الثاني
ثمن سأل منهو فنانك المفضل ؟
ثمن سأل متى قابلت اصدقاك ووين رحتوا ووش تكلمتوا فيه ؟
قسم القراءه جايب قطعه عن الفنانه مارلين مونورو وعليها اسئله
قسم الاستماع اعتقد انه اسهل قسم تسمع السؤال وتجاوب من السؤال اذا كنت مركز
هذا اللي اتذكره والله يوفقنا ويوفق الجميع يارب
|
الله يعطيك العافية وماقصرت صراحتن ...... فعلن واضح ان الاختبار كشكله العام بسيط للي عنده لغة معقولة ..
حتى انا المشكلة اختباري بيكون الثلاثاء 8 ان شاء الله . مع ان كان ودي يكون المساء عشان الدوام والطريق اقل زحمه .
اتمنى ان شاء الله انه يكون اختبارنا حول او عالاقل شبيه نسبيا لاختباركم اليوم بمواضيع الكتابة والمحادثة 
بس الحمدلله على كل حال ... وان شاء الله مايصير الا ماهو فيه خير للجميع ...
اكرر مره اخرى شكري وامتناني لتفاعلك معنا .. واسئل الله لك القبول والتوفيق بالدنيا والاخرة ...