اهلين شباب اعتذر ع التاخير بس قريبي اللي انا رايح عنده اصر الا يعشيني وتوي نزلت لمقهى نت المهم
اليوم الصباح ع الساعه 10 وعليها رحت لوزاره الخدمه المدنيه قريبه لشارع الوشم ورحت لمكتب الوزير وافادوني موظفينه ع اسئلتي
اول شي سالتهم ليش مايكون ساعد مفاضله وكلاً ياخذ حقه بالانتضار وقالوا فيه دراسه او توجيه بيصدر بس ممكن يطول يعني ماعطوني متى عشان يرها من يحولونه مفاضله غير كذا قلت له ياخوي بعض اذا مو كل الدوائر بالمملكه تعلن وظايف قليله واللي يتقدمون كثير طبعاً كنت اقصد البلديات وقالي نفس كلام اللي بالقصيم قال حنى رفعنا خطاب لفرع بالقصيم يوجه الدوائر والوزارت الحكومية مايخترون الا ع عدد الوظائف وهذا شي حلو افضل من يدقون ع عشره مقابله والوظايف 4 او اقل وسالته عن وظائف الاماره وقالي هذي امراء المناطق قالوا هذي مستثناه من عند الامراء بحسب توجيه الامير مثل خوي ومراسل داخل الاماره او المراكز وغيرها من الوظايف وانا اخوي اذكر الله كثيراً مااخفيك سبق وان دخلت ع امير القصيم ايام ماكان نائب وقدمت اني ابي وظيفه باالاماره ووجه ع معروضي انهم يوظفوني عندهم بس اخر شي حفظت المعامله دلست اتابعها فتره واخر شي حفظت وعقب صار امير للقصيم والله مارحت له لانه كان يعطي شفاعه ع معاريض الوظايف مو اعتماد بس اذا الله امره سواً هو او امير منطقه يقدر يوظفنا وانا بروح له بس بعد ماكمل لكم اللي صار معي وبعد سالت مكتب الوزير ان بعض الاداره يكون عندهم وظايف ولايدقون عليا يعني تجمد وظيفي وقال انهم ارسلوا طلب افاده من اي جهه حكومية يعني حسب مافهمت منه ان كل جهه حكوميه لازم دق علينا وقال انتضر اتصال يعني من اي جهه حكومية خصوصاً من القصيم وشاورته قلت لو ادخل انا بعض اللي مسجلين بساعد ع الوزير ونشرح له موضوعنا واننا مهمشين ونرغب بكثره الوظايف وتوظيفنا شار علي قال ع كيفكم وقالي فعلاً افضل يكون باكثر من اسم المعروض عشان يصير عليه توجيه رسمي ولو كنت لحالي مااضن بيصير عليه توجيه ذاك العلم وقالي ع كيف اذا تبي تجي تدخل عليه دق علينا واحجز لك يوم وقريب يكون الموعد متساهلين مره هذا اللي صار معي واللي ريحني اكثر انه قالي عن توجيههم لدوائر وقال انتضر اتصال حسيت انهم مجبرين الدوائر ليش يجمدون الوظايف والله ياعيال حصلت ناس كثير من جداره وغيرهم لهم معاملات مظلمه مثلنا وراجعونا يعني سبق وان دخلوا ع الوزير ووجه لهم ع معاملتهم واسف ع الاطاله حبيت اشرح لكم كل شي صار معي والحين الخيار لكم ولي وش رايكم انا من رائيي نثبر هالاسبوع ونشوف هل يدق علينا احد او ندق ع الوزاره ونحدد يوم وندخل ع الوزير ويقول الوزير طيب ويمدحه لي وانا اللي قاهرني اكثر امانه القصيم وفرع الوزاره عناد بينهم كل واحد له رائ ومجمدين الوظايف الراي لكم ونا معكم والله ياعيال تعبت صارلي 8سنوات عاطل تعبت من الفراغ والتفكير انتضر ردودكم واذا تبوني اروح لهم بكره استفسر عن شي قولي لي لاني بعد بكره بنزل للقصيم وبكره ببات بالرياض واي استفسار انا موجود بس الحين رايكم يهمني ولازم نتكاتف واعتذر ع الاطاله بس حبيت اوضح لكم كل شي صار معي..