السلام عليكم
حبيت اكتب لكم تجربتي بالمقابله اليوم ، كلموني الخميس وقالوا تعالي الاحد طبعا كنت فاقده الامل وشلت الموضوع من بالي لان لهم من قبل اجازه الحج وهم يقابلون فقلت اكيد خلصوا من بنات الرياض ، بس شكلهم مطولين وبيقابلون الكل
انا تخصصي اداره اعمال ممتاز
اول ماوصلت كنا حوالي 14 بنت وزعوا علينا اختبار نفس الي موجود هنا بالتجمع وكل ماخلصت وحده عطوها رقم بعدها بشوي بدوا ينادون بالارقام
المقابله كانت جدا قصيره وللامانه ماشفت اي حماس من الموظفات الي يقابلون كانهم يبون يخلصون وخلاص ما ادري كل الحكومي كذا لان القطاع الخاص ابدا مو كذا بس الحمد الله
كانت تكلمي عن نفسك ؟ ماهي الجهه التشريعيه بالمملكه ؟ هيئه الرقابه والتحقيق تعتبر جهه تشريعيه ام تنفيذيه ؟ ما الفرق بينهم ؟ وش تتوقعين عمل المحقق ؟ هل الهيئه تحقق بالقضايا الماليه ؟ ( في التعريف عن نفسي قلت ان تخصص اداره والشهاده قدامهم بس وحده من الموظفات لخبطت وبدت تسال اساله قانونيه لما اعتذرت لها اني ما اعرف الاجابه قالت انتي مو تخصصك قانون !!! ولما استوعبت انها لخبطت بدت تغير الاساله فانتبهوا يابنات )
وبالاخير سالوني عن خبرتي كم مدتها ، والدورات كم مده كل وحده فيهم
بالتوفيق للجميع