والله موضوعك شيق لما شفت كثر الكلام في البداية ما فكرت أقرأ لكن التجربة تستحق القراءة ،،،

شكراً لك لأنك على حد علمي اول شخص يطرح تجربته بهذا الشكل والتفاصيل من البداية للنهاية ومع الحلول والنتائج

بصراحه مدري كيف دخلت وغامرت في مجال ما تعرف عنه شيء ونسائي بحت أيضاً ؟؟،، لكن بصراحه ماكنت

متوقعه ان مجال الفساتين مربح للهدرجة ،،، من خلال قصتك فعلاً انت وقعت بعدة أخطاء لكن الحمد لله ان الأمور

مشت معك افضل من غيرك وان شاء الله تعلمت منها ،، وأهم خطأ ان كل شيء سلمته للشريك مع ان المال لك حتى لو كان قريب الأرباح المفروض تكون عندك وانت من تعطيه هو فقط شارك باسمه وهذا اللي دائم يصير
أيضا انت ما حوشت لك مبلغ خاص فيك لا يعلم عنه الشريك عشان وقت ما تصير هالمشاكل تتجه لمجال تعرفه او قريب منك تقدر تحكم عليه مثل السيارات ، ، كذلك ما فكرت تتجه لما يسمونه (الأصول الثابته ) مثل العقارات أو تشتري محطة بنزين أو عمارة تجارية أو أرض في منطقتك عشان تكون مثل الداعم لك حتى لو بتأخذ سلفه من البنك أو من أشخاص تقدر مثل ما يقولون تقبلها عليهم هم يأخذون من الإيجار وانت تستفيد من الفلوس وراتبك ما يتعرض للخصم إلا ممكن بشيء قليل ،،

للأسف تجربتك بتكرر كثير عند السعوديين لأن فيه غياب واضح للتخطيط وعلى الأقل فكرة مدروسة هذا فضلاً عن عدم وجود دراسة جدوى وحتى ان لم تجد على الأقل ترتيب الأفكار

أخيراً شيء يقهر ان مجال الجملة والتجزأه المسيطر عليه الأجانب لازم وزارة التجارة تشوف حل لهلقضية
عموماً الله يوفقك ويرزقك بأحسن من اللي راح ،،