ابفضفض
مغبونه حيل حيل

معقوله فيه ناس بهذا الغباء
قلنا ترزقو الله بس بالمعقول

وش صاير بالدنيا
مصوره زواج وحفلات ب5000
منسقه حفلات تجيب طاولات وكراسي ب16 الف واللي بتراعي ب8000


المسكين وش يدفع وش يخلي
انا قعدت احسب تكاليف الزواج كلها اطلعت تقريبا ب150 الف مع المهر اه يراسي
شكل الشباب بيعنسون هههههههههههه
ربي يسهل امورهم

ويبنات خفو على الشباب تجي وتقول المهر 70
يختى مو لازم تشترين ماركات وخرابيط مالها سنع
والعطورات اشتري التعبئه
وكثير اشياء ممكن تستغني عنها وحطي يدك بيد زوجك
لان انتي اللي بتتعبين بعد الزواج
اكيد بعد الزواج كلن يبي حقه لان الباشا متسلف عشانك
وبيبتدي يتذمر والنفسيه تشين هنا رقعيها يسندرلا
بتتحسفين على اغلب مشترياتك
اللي بعضها مارح تستفيدي منه ابد


انا اتكلم عن تجربه اشوف قريباتي تخم كل شي بسوق تقول ماعندها شي مسكينه
ومايمديها تلبس الا وهي حامل طبعن بعد الولاده بتنتفخ وماتقدر تلبس الباقي ههههههههههه


قاعده افكر بعرس اخوي يالله سترك
البيت موجود والحمد لله اخوي بياثث له
المهر موجود


البلاء بالباقي ترا هم العن شي
اقل عرس عندنا يكلف 150 الف اذا مافيه مهايط

نقول الصاله ب25 او 20
لان الاميره تبي صاله عشان صديقاتها
الطقاقه اقصد الفنانه تبي 18 الف
بعضهم مايبي ديجيه ب1500 يفشل

حقت القهوه تبي 3000 الاف
العشاء مدري كم بيكلف بس الاغلب 30 ذبيحه مع المهايط قعودين

اممممممممممممممممممممممممممممممم

الحين ام العروس تطلب من اهل المعرس يصرفون لها دولارات عشان تحذفهم على بنتها لادخلت

عسى مايطلبون على اخوي بس

طيب خلصنا من كل شي ويمكن نسيت
ابي اعرف بعد الزواج وين بتروح النعمه
وش استفدنا من هالخرابيط


انا اتكلم عن المقتدر واللي مايقدر
هالمبالغ محاسبين عليها
على العموم الله يوفق الجميع

لو يعطوني صلاحيه
بعد مايملك على العروسه ياخذها ويتوكل بيته بلا صاله وخرابيط وهم وغم


بس بس خلصت من الهذره

يويل اللي بيعارضني