مع انة وظائف مقابلة الجمهور تعتبر اصعب الوظائف بس رواتبها للاسف قليلة
تخيلوا ياشباب
يجيك زبون ياخذ رقم ويجلس عندك في الفرع يقولك وش عندكم هنا ؟؟ وكم راتبكم وعسى مرتاح في الشغل وبعدها يقولك ياخي انتم نصابين وخذلك سواليف عشانة ساكن بجنب الفرع وفاضي
يجيك زبون ثاني يسئلك عن اصلك وفصلك وانت تعرف فلان وفلان وانا درست مع فلان وبلاخير تقوله كيف اقدر اخدمك استاذي يقول عطني رقمك يمكن احتاج خدمة وبدق عليك ....طبعا مثل خوينا الاول فاضي شغل
يجيك واحد ثالث وهذولاء بتشوفهم كثير ....المدمنين والسكاري والمرضى النفسين ...وبعضهم يجيك بقاروة العرق في جيبة وخصوصا اذا كان الفرع في حي شعبي
عملت خدمة عملاء سابقا وشفت انواع واشكال وحقيقة راتب موظف خدمة العملاء لابد ان لايقل عن 8 الالاف لانها وظيفة فيها ضغط نفسي رهيب اما تقلي 3600 ريال اقولك ماراح تجيب هم حبوب البندول والبروفين وحق تفصيل الثياب والجزم والغترة الي لازم كل يوم اكشخ فيها