المشاركة الأصلية كتبت بواسطة بعد البعثة عطالة

السلام عليكم ورحمة الله وبركاته,

طبعا توني راجع من المقابلة والحوسة حقتهم, مقابلتي الساعة 1 ونص ولا دخلوني الا 3 الا ربع, ماعلينا نجي للمقابلة, المقابلة الاولى هي عبارة عن اسئلة عن البرنامج والهئية وكل شخص فيهم يسألك سؤال واحد بس, يقولون لكم هل جربتوا العمل التطوعي اول ومن الكلام هذا, وطبعا ترا الاسئلة تختلف يعني واحد قالوا له كيف نقدر نستفيد من تخصصك وانا قالوا لي وش الفرق بين العمل التطوعي والانساني طبعا كله انقليزي المقابلة الاولى, من ناحية التعريفات انا ما جاني ولا سؤال منها ولا حتى شخص ثاني بس واحد من الاخوان جاه سؤال منها, المقابلة الثانية وهي الحوسة حقت اللجنة النفسيه, يسألونك فيك خفقان فيك كذا انت عصبي ومن الكلام هذا وفجأة شطحوا علي كم مخالفات ساهر اللي عليك هههههههههه مدري وش دخلها وفضحت نفسي طبعا, الزبدة انها مقابلة على السريع الاسئلة حقتهم ويشوفون انت وشلون ترد ومن الكلام هذا, طبعا تعاملهم جدا محترم وممتاز اللي عرفته من اسئلتي لهم ان البرنامج راح يبدأ ان شاء الله بنص نوفمبر, التقييم راح يكون موزع على اختبار الانقليزي والمقابلات والتخصصات, النتيجة راح تطلع بعد اسبوعين ان شاء الله, يعني ممكن على منتصف شهر نوفمبر بعد او قبله عشان اللي برا الرياض يقدر يستعد.

اهم نقطة بالموضوع هي كيف توصل للمقر حقهم, بالنسبة لي انا من سكان الرياض وتحديدا بحي الصحافة يعني جارهم انا, بس مع كذا ضيعته, فا بتأكد لكم الليلة ان شاء الله وش اسهل طريقة للوصول الى مقرهم بأسهل طريقة ممكنة, اهم شي ركزوا واقروا زين عن البرنامج والله يوفقكم جميع يارب العالمين.