الله وهبنا ديـن واحسـن صفاتـه
وانزل لنا التشريع واجزل معانيـه
الحـق والباطـل عرفنـا جهاتـه
وما يزرع المخلوق له يوم يجنيـه
أحدن له الدنيا على الكيـف جاتـه
الله عطاه وكـل شـيٍ بـاياديـه
ما ذاق لوعات الزمـان وشقاتـه
الفقر والتجويـع يسمـع بطاريـه
وأحد ٍ يدور فـي زمانـه نجاتـه
يبي الستر والعافيه بيـن اهاليـه
عزيـز نفـس ولا يبـدّل عباتـه
راضي ويدري عيشته مـا تكفّيـه
وأحد ٍ لبس ثوب المراجـل بذاتـه
يسعد عيون اللي من الضيق ناصيه
وأحد ٍ صميدع يرهبـك بـإلتفاتـه
حرن مطالعيه عن النـاس تغنيـه
وأحدن تساوى في حياتـه مماتـه
وأحدن يموت وطيّب الذكر يحييـه