اقتباس:
المشاركة الأصلية كتبت بواسطة روز بنت خالد
الله يسعدك ياااارب ويزرقك من واسع فضله
أنا والله ما أعرف شيء كثير وما اعرف كل حقوقي عشان اطالب فيها !
انا قدمت على وظيفة بدوام بس لسى ما اعرف شيء عنها .. بس اول ما سألوني عن البطاقة انصدمت صراحة !
والله انك صادقة هم بيوظفونا لان لهم فايده من ورا هذا الشيء .. والدليل سؤالهم أول شيء عن البطاقة
الله يرزقنا ويغنينا بفضله عمن سواه
|
اي عادي وانا اختك هم بيستفيدون مننا لاتصيرين
حساسه ولاتنصدمين
وحنا بعد بنستفيد راتب حلو وتامين طبي
وساعات دوام اقل
والحمدلله حكومتنا خلتنا عن 4 اصحاء هشي
لصالحنا بس لو مايفصلونا ضمان الاجتماعي
ادري طماعه ههههههه☺️
ودوام قوليلهم بس ابيه يومين عشان ضروفي
يبون اوكي مايبون اسحبي عليهم واتكلمي
معهم بكل ثقه
اذكر مره توظفت والمدير مهو هين ع باله
اني مسيكينه وكلمه تجيبني وتوديني
خليته يسولف للأخر واخر شي بإسلوب
قلت له اسفه انا اعرف حقوقي وابي
العقد كتالي 6 ساعات دوام اجازه يومين واختارو
اي يومين مو شرط جمعه والسبت وتأمين طبي وراتب 6000 الاف قال خليها 5500 الاف
وشيء اخير مابي اتحرك لان وظيفتي مكتبيه
قال بس ليش انتي منتقصه من نفسك ترى
المعاق مافيه فرق عننا ويقدر ويقدر ويخرط
هو بنته ع راسي قلت له انا
انسانه هذي حالتي بحاول اسوي اللي
اقدر عليه واكثر ان شاءالله واكون قد الوظيفه
بس انا انسانه معاقه بنهايه وماتقدر تساويني وقعدو يقولون لي لاتقولين عن نفسك معاقه ومدري وش قولي ذوي احتياجات خاصه قلت لهم المسمى العالمي لنا معاقين واي انسان يستصعب عليه شي يعتبر اعاقه وماعندي مشكله مع المسمى
قعدو يمدحوني هو وبنته الله يذكرهم بالخير ناس رائعين وماقصرو معي
بس ماتنازلت عن اي شرط
زبده توظفت 1سنه
وبعدها تركت لقيت عن بعد ب4000 الحمدلله وقررت اكمل تعليمي
بعد شهر اخر راتب عاد مدري يجددون لي
العقد اولا بس الحمدلله خلال
هل فتره كنت مسويتلي سيف اكاونت اجمع مبلغ من راتبي
انتي طالبي بكل هل اشياء وكل شوي ذكريهم انا عن 4 موظفين بإسلوب
ومتحمسه للعمل معكم ،،،، والخ
واذا بالرياض روحي ل مكتب عصرالاريبيه للتوظف
وسجلي بموقع حقوق المعاق للتوظيف
وضيفي ساره المسيفر بتويتر هي المسؤوله عن موقع
تواصلي معهم من خلال تويتر
واماني الشعلان
وفي بعد حساب اسمه اي دوام
وفي هنا بالمنتدى بعد بين فتره وفتره اعلانات عن وظايف
حاولي تشوفين العرض الافضل لك من كل نواحي الراتب ،،،الخ
وابحثي زين وخذي راحتك
الحمدلله حنا مطلوبين ☺️
انبسطي بالدوام وخلي حدود بينك وبين زميلاتك
وسوي اللي عليك واي بذمتك تجاه العمل
وانسي سالفه مستفيدين مننا بعد ماتوقعين العقد
قولي انا بستفيد منهم خبره بالعمل واحس نفسي اني لي هدف
مثلن بعد ماتوظفت تغيرت شخصيتي الحمدلله للأفضل ماكنت بيوم من ايام افكر اكمل تعليمي
تجاهلي كل سلبيين وحطي اهداف وبلان تمشين عليه
سولفت كثير وكل شوي اعدل سوري😑
الله يوفقك