الله يجزاك خير ويوفقك ويرزقك رزقاً هنيئاً

كثير من الأمور فعلاً اصبت فيها ،، بعلق حسب ما اشوف لبعض الحسابات لناس يعلنون عن منتجاتهم في كل موقع وكل منتدى، بصراحة ما عندي مواقع تواصل ( تويتر ولا انستقرام ) لأني مو متفرغه لها حالياً لكن قبل فترة كنت افكر لو بدأت بإذن الله التجارة ممكن ابدأ بمواقع التواصل لأنها سهلة وغير مكلفة فقط لكنها ليست الأفضل اكيد لكن سبحان قبل أيام فكرت في هذا الموضوع حسيت الناس بالغوا كثير بمسألة تجارة مواقع التواصل لدرجة اصبح حتى صيغة الإعلانات مزعجة ومبالغ فيها جداً
بالنسبة للنقطة الثانية راي العملاء الغالبية يتبع أسلوب عرض محادثة واتس يقول إنها لأحد عملائه ،، اقولها وبكل صراحه هل هذا وحده هو اللي يدل على مصداقية الحساب والمنتج ؟؟ طيب بيقول احد هل هو فعلاً عميل او احد يعرفه ومتفق معه ،، طيب تتوقع الحسابات النصابة ما عرضت هذي الطريقة انهم يمدحون فشخص والتاجر يعرض المحادثة ..
فديو هي طريقة ممكن تكون اكثر مصداقية ولذلك قلة جداً من يستخدمها ،،، انا أشوف العلة في المنتجات وكثرة التقليد لأن المنتج الجيد هو اللي يفرض التاجر حتى لو الناس ما تابعت حسابه يعني تعاملت مع وحده لها حساب بالانستقرام وانا ما شفته لان اختي تعاملت معها وارسلت لي شغلها وعطتني رقمها وتواصلت معها من غير ما اشوف الحساب
مشكلة الثانية لأهل التواصل ما ذكرتها هي المندوب بالله لو تطلب حاجة بسيطة سعرها يستحق 50 ريال المندوب يأخذ 80 او اكثر هذه هي المشكلة
حلوه فكرت المعلومات ومسابقة لافضل صورة للعملاء يمكن هذه الطريقة الاجدى لكسب الناس

السؤال اللي ممكن يؤكد جدية ( ثقة - رغبة - استئناس الناس -شراء ) بمواقع التواصل في التجارة لو كان شخص عنده موقع تويتر وانستقرام يتجار فيها وعنده بنفس الوقت محل ايهم يكون رابح له اكثر ؟؟ اكيد فيه محلات كثيرة اصبح لديها مواقع تواصل لكن ايهم كان سبب في اللي ذكرته من ثقة او شراء المنتج ؟؟