وراك متحمس ياخوي .. استضافة المواقع مو بهالسهولة لها مصاريف كثيرة هذا غير انك تراكض شهور على ماتلقى شخص يستضيف عندك بمبلغ تافه مايقدر بقيمة تعبك .. انا سبق وان اسست شركة استضافة وخسرت وقبلها اشتغلت كمسوق لشركة استضافة وصديق لي من 2007 كان يكسب زبون كل شهر لكن بخسارة

الآن ليه ممكن استضيف موقعي عندك يافلان وانا ممكن اروح لموقع name.com او ipage.com او جودادي ووووغيرها كثير وبرخيص وبلوحة تحكم سهلة بدل تراخيص سكربت وهم وغيرها الي تكسر الظهر

اذا بتنصح الناس انصحهم بشيء تفهم فيه مو تورطهم وتحسسهم ان الوليد بن طلال كسب امواله من استضافة المواقع

وعلى طاري الامثلة الي ذكرتها ترى مالها علاقة بالاستضافة ..

..

تخيل انك تقول لشخص خذ كتاب تعلم البنيان وخذ لك سمنت وحديد وابني لي بيت

هذا بالضبط لما تعلم شخص برمجة المواقع وتقول له استلم مشاريع حكومية .. مو بهالسهولة