الى / .......

يا رقيق المشاعر وين راح الحنان .؟!
ليه ما شلت قلبن طاح قدام عينك .؟!

الزمن هو زمانك و المكان المكان .
واخر الشعر كلمة تسالك عنك وينك .؟

من تقهويت صوتك سولف الزعفران
عاد وشلون فنجالن تمده يمينك

تذكر شلون كنا . والزمن كيف كان .؟!
يوم لا غبت عنك ما اسمع الا ونينك .

اشعر ب"خوف" مدري كنت احس بامان .
يكفي ان جيت يمك طار فيني حنينك .

شكثر كنت وافي واقرب الناس خان .
بس اثق فيك حتى لو عيوني تدينك .

زان عمري بقربك يعني الوقت زان .
حتى جرد القصايد ربعت في يدينك .

طول عمري وانا لاوي ذراع الهوان .
شفت يومك بعيني منهو يقدر يهينك .

ما اذكر اني نسيتك واذكرك من زمان .
واذكر اني ضحية بين قلبي وبينك .

تدري وش جابني لك . لا تقول الحنان .
جيت ابشيل قلبن طاح قدام عينك .