اقتباس:
المشاركة الأصلية كتبت بواسطة SERA
الله يسعدك ويكتبها من نصيبك يارب
كيف كان مستوى اختبار الانقلش ؟ وكم سؤال وكم مدته؟
والاستبانه حقت الصفات الشخصيه كيف كانت ؟ اذا تتذكرين شي منها
اختبار القدرات كله عمليات حسابيه مو اختبار قدرات عام؟ وكم مدته ؟
ايوه صح مافيه اي اسئلة عن التأمينات ؟
|
الإنجليزي اول قسم قرامر 24 اختياري
بعدين ليسيننق الظاهر تسمعين أربع مقاطع قصيرة وبعد كل مقطع يعطيك سؤال
ثم مقطعين طويلة شوي وبعد كل مقط سؤالين << ما تأكدت مره نسيت 
هالقسمين مستواها متوسط فيه أشياء ما عرفتها وفيه أشياء عرفتها الحمد لله
بعدين الريدينق بالنسبة لي صعب
أول شي قطعة من 250 كلمة عليها تقريبا 4 أسئلة الظاهر
ثم قطعة من 450 كلمة عليها الظاهر 6 أسئلة
الاختبار مده حوالي ساعة أو أقل شوي مقسمة على الأقسام الثلاثة
الاستبانة كاتب لك سؤال ما تأثير تخصصك على السلوكيات التالية
وحاط أربعين سؤال وخمس اختيارات (تماما غير صحيح - إلى حد ما غير صحيح - ليس بصحيح ولا بخاطئ - إلى حد ما صحيح - تماما صحيح)
الأسئلة فمثلا أذكر
كلما أنجزت هدف سعيت في هدف آخر
أحب العمل الجماعي
أحب أن أقود مجموعة
أتعامل مع الناس بسلوك جيد
غالبا لا أتحمل ضغوط العمل
وهكذا ( ما أتوقع على الاستبانة درجات يمكن بس يبون يعرفون نمط الشخصية لأن ما فيه إجابة صحيحة ولا فيه إجابة خاطئة) والاستبانه ما لها مده
القدرات حسابي وأسئلة النمط اللي يجيب أشكال ويقول الشكل المكمل للنمط وكم قطعة عربية وعليها أسئلة
العمليات الحسابية والقطع اذكر كل وحده ربع ساعة ما أمداني أقرأ القطعة إن قريتها خلص الوقت المحدد للسؤال (الربع ساعة مقسمة على الأسئلة بحيث كل سؤال له دقيقة ونص)
الأنماط ان ما كنت غلطانة ما لها مده
ما فيه أسئلة عن التأمينات
أي سؤال لا تستحون وموفقين يارب