السلام عليكم و رحمة الله..

انا اختبرت يوم السبت مشرف اسكان بـ ينبع.. الأسئلة كانت تقريباً تتعلق بالخدمة الإجتماعية.. اللي لفت انتباهي انهم قسمونا مجموعات بالتوقيت و المعامل.. حتى عندنا كان فيه كمبيوترات فاضية ما عليها احد بس ممكن يكونون متقدمات ما حضروا .. و ممكن مقسمينا على اساس مكان الوظيفة ينبع او العلا ..
عموما جاني كم سؤال عام و هي اسم المنظمة اللي تهتم بالطفولة.. و جريدة المملكة الرسمية.. و جبت العيد بالجريدة حطيت عكاظ و يقولون غلط ام القرى الجواب الصحيح.. و اذكر سؤال عن معاينة الطباعة يمكن بـ اي امر او اداة ناسية لكن اذكر من ضمن الخيارات عرض و هو اللي حطيتة ^_^ لأني فهمت من السؤال يقصدون شريط القوائم.. عموماً الأسئلة مو كلها مثل بعض اذكر وحده قالت جاءها سؤال عن اجازات الموظف الإضطرارية او الإعتيادية ناسية و الله بس هالسؤال ما جاني.. مدتة مثل ما قالوا 20 دقيقة لـ 20 سؤال .. للأسف استعجلت و بقي نص الوقت توترني اختبارات الكومبيوتر حتى لو ابي ارجع للسؤال اللي قبل ما اقدر عشان كذا ما احبها ..
ما علينا نقطة اعتقد ما احد تكلم عنها و هي انه فيه ثلاث وسائل مساعدة اذا استخدمت اي وحده فيهم و طلعت الإجابة صحيحة تأخذ نص درجة السؤال .. المراقبات كانوا يقولون افضل ما تستخدموها و انا اشوف اذا فاقدين الأمل من انكم تعرفون الإجابة او ما عندكم تخمين عالي لأحد الإجابات استخدموها تأخذون نص الدرجة افضل من لا شيء.. الوسائل هي .
حذف اجابتين..
نسبة الإختيارات..
تغيير السؤال..
..
موفقين..