ايفوني خربان ماقصرت

لي تعقيب صغير

شوفي حبيبتي ، لما تمر علينا الظروف قاسيه نضطر ساعات ان حنا نحبس انفسنا في دائره مغلقه
نكون بالنص ونتصور ونتذكر كل شي مؤلم وحزين وكئيب من مشاكل ومن هموم ومن حكي نسمعه
الامور هذي كفيله انها تجعلنا في حاله سيئه جدا
لا اجسادنا ولا نفسياتنا لها قدره تتحمل الامور هذي كلها

تذكري الايه الكريمه {خلق الانسان في كبد}

لكل انسان له بالدنيا اختباره وامتحانه وابتلاه
اطلعي من الدائره هذي وشوفي الموضوع من كل زاويه بصوره افضل حتى لو كانت سيئه
انتي حسنيها وجمليها

وايانس تفكرين ان الزواج هو الحل والمنقذ من الظروف اللي تمرين فيها
الزواج ماراح يكون حل الا في حالات خاصه
انتي ان شاءالله ماتحتاجينه
ترى ظلم الاهل احيانا اهون بكثيير من ظلم رجل انتي ملكه والعصمه بيده وان كان شر ومايخاف الله
معناتها سلمي ع نفستس

تعوذي من الشيطان
ونفس ماقالت ايفوني خربان اشغلي حياتس بأي شي مفيد
اول مراحل العلاج بيدتس انتي
اولها ثقي برب العالمين واجتازي اختباره بصبرتس ويقينتس ان مابعد الغيمه السودا الا امطار خير وسعاده

وحنا هنا خواتس واي شي تحتاجينه حنا لتس وموجودات نعينتس ونساعدتس


الله يوفقتس غلاتي ويسهل امورتس ويسعدتس ويبعد عنتس كل ضيق