بالنسبة لسيل امس سوت لقائات وظيفية " خدمة عملاء "
بـ طاقات اللي بالرياض مخرج 6..
التوظيف فوري ..
طبعا مايقبلون الا دبلوم معهد ادارة او جامعي اي تخصص

يسوون اختبارين للمتقدمين ..

الاختبار الاول : اختبار على الكمبيوتر عباره عن 24 سؤال
يحدد شخصيتك ,, اذا تجاوزت درجة معيّنة فالاختبار
تنتقل للاختبار الثاني اللي هو مقابلة شخصيه ..
انا شخصيا تجاوزت الاختبارين لانها سهله جدا .

يركزون على مظهر الشخص فالمقام الاول
ويحاولون يستفزونه بكثرة المقاطعات والتقليل منه
حتى يرصدون اعلى درجه من نرفزة المتقدم ..

يعني اللي بيقابل يكون واثق من نفسه وبارد جدا
وبنهاية المقابله راح يمد يمينه ويقول مبروك تم توظيفك ..

بعدها على طول تروح للمكتب اللي جنبه توقع العقد
اللي هو عباره عن 6000 الاف وبعد خصم التأمينات 5500
وبعدها تكمل اجرائات التوظيف من كفالة وادلة جنائية ..إلخ

وبعد ماتكمل اوراقك توديها لشركتهم اللي بالعليا ..
ويتصلون عليك ويحددون لك موعد الدوره اللي راح تكون بفندق
على مخرج 5 عباره عن 5 ايام من 9 ص الى 1 ونص تقريبا الظهر ..

بعدها على طول تباشر في اقرب فرع لمنزلك ..
وطبعا من حقك تتعين بأقرب فرع قريب لك بشرط مايكون مكتفي ..


هذا اللي صار لي امس وحبيت انقله لكم عشان تكونو بالصوره
والله يوفقنا وياكم