المشاركة الأصلية كتبت بواسطة مفاهيم تسويقية

ملابس نسائبة... وش الفئة العمرية الي مستهدفها معدل اعمارهم ؟؟
مثلا لو قلت من 18-30 الي هي فئة الشباب
راح تعرف وش اهتمامات هالفئة الشابة وايش الاشياء الي تهمهم وايش المشاكل الي يواجهونها ...
كذا راح تعرف وين يكونوا متواجدين في انستغرام اهتم بالتواجد في الصفحات الي يتواجدون فيها ..
اعرض مواضيع تهمهم وتكون قريبة من مجالك مثلا ممكن تنزل مواضيع عن التغذية والتخسيس وطبعا هذا ضمن مجالك اساسا فراح يكون داعم لك واربط هالمواضيع بالملابس النسائية ..يعني مثلا موضوع التخسيس تقدر تربط بالملابس وتقوم حاط صورة جميلة لاحد الملابس الي تقوم ببيعها وتكتب في الصورة عنوان للموضوع الي راح تنزله ..مثل افضل الطرق للتخسيس لتظهري بمظهر اكثر رشاقة في هذا الفستان او اي كان الموضوع ..يعني حاول تربطه بطريقة مباشرة او غير مباشرة بمنتجك ..ونزل مواضيع مفيدة بدون ربط ايضا ..يعني حاول تنوع بين الاثنين ...

ثاني شي بما انك تبيع ملابس نسائية ماراح تقدر تاخد راحتك في عرض ملابس مثل ملابس الرجال ..لذا اقترح عليك تصور الملابس بطريقة احترافية واشدد بطريقة احترافية حتى لو اضطررت للدفع لمصور محترف يقوم بتصويرها لان هالصور تعتبر بديل للمعرض الغير متوفر فلازم تهتم بالصور والاضاءة وطريقة العرض ..حاول تبدع تصور طقم كامل حتى لو كنت مانت متخصص في بيع الاحذية او الشنط ..لان بهالطريقة انت راح تقوم بعطاء مظهر كامل للمرأة الي تبغى تشتري ..تقدر تقتنع مثلا بمجرد ان عندها حذاء مثل لون الحذاء الي عرضته في الطقم وتقوم بشراء الفستان لانها اقتنعت بالطقم الي انت اقترحته لها
ادخل النظارات والشنط والاحذية حاول تخلي صفحتك صفحة متعلقة بفن اللبس وكيفية التنسيق بين الملابس
اتفاعل جمهورك سوي مسابقات خاصة فيهم واعلن عنها لمدة شهر مثلا حتى تكسب جمهور اكثر ..
اكتب تعليقات في صفحات الاشخاص الي اشتروا منك واعطي لايكات الناس تحب تتعامل مع بشر مو الات حسسهم انك فعلا مهتم فيهم .
تقدر مثلا بالنسبة لموضوع المنتجات الطبيعية والصحة والجمال تقوم بعرض كل منتج طبيعي لوحده في فيديو مستقل تقوم بشرح فوائده الطبيعية المباشرة الي تهم المشتري وطريقة الاستعمال

عرض مواضيع عن المشاكل الي تحلها هالمنتجات الصحية وقد ايش هالمنتجات راح تفيد ( طبعا لازم تتاكد من فعالية المنتج قبل بيعه علشان لاتصير انك تقول كلام على الفاضي )

هذي بعض الاقتراحات البسيطة اخوي ان شاء الله تفيدك