يا الدروب أعيا المسافر متاهات الطريق
الجروح اجداد والا قــــــــــــــــديمه باقيه

قاربِ من دون مجداف ما ينقذ غـــــريق
الزهور اتموت لا ردم درب الساقـــــــيه

والعيون اللي خدعها مع المغرب بــــريق
انكشف باب الحقيقه وصارت شـــــــاقيه

لوعيوني شافت الورد ما ينبت رحـــــيق
عطرها ماهوب يآصل حدود اعـــــماقيه

كل واحد في زمانه تخيّر له رفــــــــيق
مير انا واللهْ رفيقي حدوده راقــــــــــيه

قالوا العرّاف ساري بالوطى مابل ريـق
استريحي عن مراويحـــــــها يا اشْواقيه


كان كل اللي تعدّى لِـ بالك ما يــــــليق
ولو بحثتي في فضا الكون ما انتي لاقيه

من يصحّي حظك اليوم لو قلنا يفيق ؟!
إنْ تجاوز هقوتي .. ما كِشَفتْ اوراقيه