Chemist و إبداااع حبيباتي شكراً على رفع المعنويات
بس انا اقول انها سيئة من جد انقهرت على الاسئلة اللي سألوني وركزو عليها وهي ما تقيس الشخصية ابداً .. أو ع الاقل ما له داعي يستغرق معظم وقت المقابلة ..
من اول ما ارسلو لي اني مرشحة للمقابلة وأنا أستعد واذاكر واطلع على الاخبار والاحداث العامة بعد
سويت لي ملخص تقريباً وحاولت اجمع كل المصطلحات المهمة والمواضيع اللي ممكن يسألونها ..

المهم ما اطول عليكم ..
دخلت وعرفت بنفسي .. وشافت وحدة منهم ان بالسي في اني من الأحساء ..
قالت كيف انتي من الاحساء وتبين تتوظفين بالدمام ،،؟ ايش بتسوين لو انقبلتي ..؟ وليش ما قدمتي ع الاعادة في جامعة فيصل ..؟
وكانت كأنها متنرفزة ومش مقتنعة بإجاباتي ..
وبعدين قالت لو تجيك اعادة بالحسا وين تفضلين ..
قلت لها افضل الدمام لأني أبي مكان غير اللي درست فيه
قالت لا بس أفضل قريب من البيت
قلت لها يعتمد على رغبة الشخص نفسه
قالت لا مو شرط وقامت وطلعت
يعني هذا اخذ نص وقت المقابلة تقريباً
بعدين وحدة ثانية بدأت تسأل في التخصص وربي قدر انه سؤالين جاوبتهم ولا ادري عجبتها اجابتي ولا لا .. وسؤالين ما جاوبتهم ..
والاسوأ هي كانت تسأل بالانجلش وانا اجاوب بالعربي ..
وبس قالت لي طلعي ..خلصنا ..
يعني بالله من هالأسئله في سؤال يصنف تحت أسئلة مقابلة شخصية !!!

تحطمت يعني ما اتوقع اني اخذت نقاط ع المقابلة ..
بس اقول خيرة وربي يدبر أحسن تدبير ..

وشكراً...