اقتباس:
المشاركة الأصلية كتبت بواسطة ايفوني خربان
الحل الاول حاولو بكل معنى كلمه تستعجلون انه ياخذ راتبه تقاعد ومستحقاته
خلي احد من اهلك او اهله يراجع له ويكون ثقه
او احد يتطوع لوجه الله يراجع بمعاملته
ويفضل تتواصلين مع صحيفة سبق
وتشرحين لهم وضعك
2 وزوجك ياخذ تقارير طبيه ويسجل بتاهيل شامل
وذا سجل بتاهيل يعتبر عن 4 اشخاص ويسجل ب اي وظيفه عن بعد
وتاهيل بعطونه راتب شهري اعتقد في
حال قبلوه بيتغير وضعكم بذات شركات يبون اللي معاهم كروت من تاهيل وراتبهم جيده جدا
3 حاولي هل فتره تتوظفين وبكذا تساعدينه لين يصرفون له تقاعده
ودخلكم بيصير افضل
وروحي للجمعيات الخيريه
اهم شي هو لاينسى موضوع تاهيل الشامل اذا اضبطت اموره وقبلوه اغلبيه شركات يعطونه راتب وهو جالس او يوظفونه وظيفه بسيطه
حاليا بماانه مهو مسجل بتاهيل
خليه يمشي حاله
بالمستوصفات اللي حولكم والبنوك وشركات والمدارس اذا يبونه سكيورتي
او استقبال
اويقدم شاي
اي شغله بسيطه تناسبه
في شي خارج عن موضوع بس خليه يفكر فيه اسمه قفزه تعليميه بكذا تروح مشكلة شهادة ابتدائيه
اذا زانت ضروفكم خليه يسأل وبإذن تزين
ونتي اصبري على وضعكم جديد اهم شي صبر
ربي يعوضكم كل خير
وزين تقاعده 3700
بالعاده مايتعدى 2000
|
الله يجزاك خير اختي على اهتمامك ....
بالنسبه للتاهيل الشامل راح لهم زوجي قالو مرضك غير مشمول باعانه التأهيل كانو قبل سنه يقبلو مرضه بالاعانه بس حاليا صار في تعديلات للمستحقين فاستثنو ناس كثيرين ومنهم زي اللي وضع زوجي
ولازلنا نحاول بالموضوع ....لعل وعسى يقبلوه ...بس قالو ينتظر ينزل رواتبه ويشوفو كم ينزل وعلى هذا الاساس يقررو
ومعاملاته وربي ماخلينا احد ماتوسطنا فيه وكلهم ماطلع معهم شي .... والف معروض ارسلناه لجهة عمله وللمنطقه ومافي فايده مااحنا عارفين ايش مشكله التاخير
بالنسبه لتقديمه على وظيفه سكيورتي قدم على كل الشركات الموجوده عندنا وعلى كل المحلات ولازلنا ننتظر اتصال احد بس الى الحين مااحد كلمه ويارب خير
كان يبي وظيفه حارس مدرسه بس قالو غير مسموح له بالوظيفه لانه يعتبر متقاعد وعنده دخل حتى لو قليل ولانه كان بمسمى موظف حكومي
الوظيفه على كلامهم للعاطلين
والله العظيم حاول بكثثثثثير محلات بس الى الحين ماتيسرت معنا ....جالس يكد مشاوير بس والله ميطلع ولاحتى 100 ريال يادوب 50 ريال ومع ارتفاع البنزين الحين بيخسر اكثر مما بيربح وماعنده سياره مناسبه وتحمل كثير
انا بالنسبه لي خريجه وعاطله ومجتازه قياس تخصصي احياء ولي حدود 9 سنوات عطاله واقدم ع جميع المناطق ماقد جا نصيبي ورحت لاكثر من مكان ورميت ملفي ومازلت أبحث بس الى الحين ماجتني اي فرصه للاسف
والحين اقتصرت البحث ع منطقتي لظروف كثيره مااقدر اشرحها بس مجبره اقدم بمنطقتي
ةمع هذا مو جالسه جالسه ادبر واطقطق باي شغله اقدر عليها من هنا ومن هنا بس ماش اذا مافي دخل ثابت ماينفع الوضع
وكلامي وضحته لك مو معناتو من باب التشاؤم يعلم الله جالسين نحاول بس لما يكون عندك اطفال وتحسي الالتزامات تخنقك من كل جهة طبيعي جدا الواحد يستعجل
حتى موضوع اكمال الدراسه لزوجي كلمته يقول الحين مو وقت اكمل ابغى وظيفه الحين وبعدين افكر بالشهاده مررره موضوع الوظيفه عامله له ازمه
والراتب احنا خمنا انه ممكن يكون 3700 من باب التفاؤل بس ممكن يكون اقل الله اعلم احنا حسبناها لانو المتقاعد بتقرير طبي غير المتقاعد بانهاء خدمات
عسى الله يجزاك خير ع كل حرف كتبتيه وعلى اهتمامك ونصائحك الي بتكون بالبال اوعدك
دعواتك