اقتباس:
المشاركة الأصلية كتبت بواسطة مونت كارلو
من دون تثبيط !!
يعني تبي تطبيل !
تساؤلاتك كثيرة ومشعبة وتغوص في التفاصيل الدقيقة اللي تثبت ان ماعندك ولو رؤوس اقلام عن الشي اللي ناوي تقدم عليه وهنا تكون من اللي يرتطمون بالواقع بعد فوات الاوان <<< ارجاف وتثبيط 
متكاسل اكتب لكن بجاوبك على ماتيسر :
انك تدفع الايجار الدفعة الثانية من جيبك هذي مافيها كلام مثل عينك في راسك
سويت مطعم كلفني الشي الفلاني مطعم كبير جلسات افراد وعوائل مافيه شي غثني واستنزفني مثل التشطيب مع العلم ان التشطيب كان تجديد سيراميك وبوية مافيه لياسة وبداية من الصفر لذلك انا ما انصح للمبتدئ يستاجر محل مو مشطب ( مبدأ )
مشروع المطعم مشروع مربح جدا جدا لكنه متعب جدا جدا وخسارته مهلكة جدا جدا
اخوي انت ماتعرف حتى كيف تسوي رخصة المحل كيف تبي تشغله وتديرة وتدير العمال ؟؟!! |
اخوي مونت كارلو ياخي اول ماخلصت من قراية ردك كرهتك وحبيتك في نفس الوقت 
كلامك منطقي وانا عارف هذا الشي وحاسب حسابه ولو ماني عارف ماكان ذكرت موضوع الايجار الثاني في الموضوع ممكن انت تكلفت في الديكور وانا قلت ماراح اتكلف انت فتحت قسم عوايل وهذا بياخذ مساحه اكبر وتشطيب اوسع بتكلفة اكثر ماقلنا لا انا ماابي افتح مطعم كبير او وسط ابي مكان مثل محل تسالي يكون فيه وجبات على سبيل المثال محل فطائر نفسه تقريبا بس بطريقة اندونيسية تكون الوجبات في اواني بلاستيكيه اللي مثل الفلين يمكن ماعرفت اجيبها صح بس للتوضيح واتمنى فهمتوني انا مااخفيكم خايف فقط من الايجار كدفعه ثانيه لان ماعندي سيوله كافية وكلامك ع العين والراس انت مااخطيت في شي وانا موضعت موضوعي في هذا المنتدى الا اني عارف في من الناصحين والمجربين كثير .
بصراحة عرض علي من اكثر من عامل فتح محل صيانة جوالات ويشتغل فيه واخذا نسبه نهاية الشهر وكذلك حصلت حلاقين ونفس الشي بس بصراحة طمعت اكثر في المطعم لمن سمعت الرجال يتكلم عن ارباحه بحكم انه هو مدير الشغله من والى يعني مو مخليه للعمال وقالي انه مكلفه حوالي 70000بس عنده ميزة اجاره رخيص 2500 بالشهر انا ماعندي مشكله لو يوصل الايجار 5000 شهريا بقدر ادفعه راتبي طيب ولله الحمد لكن ماودي اخطي خطوة الا وقد حسبت كل شي .
بيض الله وجهك اخوي مونت كارلو ع صراحتك معي