اقتباس:
المشاركة الأصلية كتبت بواسطة ايفوني خربان
ماشاءالله*
انتي قدوه للبنات*
الله يوفقك وييسرلك يارب
فكرة بفكرتك بس انا من الرياض احس صعب
مدينه كبيره عكس محافظات صغيره او مناطق
|
الله يجزاك خير ومتى بتصلحين تليفونك !*
بالعكس أختي الكريمة الرياض مدينة كبيره وأسعار
صحون الفطائر جداً غالية والحلويات*
زوجت ولد عمي في الرياض أستغلت أرتفاع الاسعار وبدت
تسوي فطائر وبيتزا وماشاء الله شغلها ما يوقف*
بعد 3 سنوات تقريباً شرت ارض وبانية عماره راقية من قيمة البيتزا والمعجنات
بس كان بناتها 3 يعني فريق كل وحده ماسكه صنف
فـ الله يخليك تابعي موضوعي الثاني وتجارب بعض قريباتي ف طبخ البيت ممكن*
فكره تساعدك وشكراً جزيلاً ع قرائتك موضوعي ومشاركتك*
اقتباس:
المشاركة الأصلية كتبت بواسطة انثى شامخه
ماشاءالله تبارك الله
الله يوفقك وييسرلك امرك*
وجزاك الله خير على ذكر تجربتك وطريقتك وان شاءالله البنات يستفيدون
|
أجمعين أنثى شامخه شكراً ع رفع الموضوع وكرم ردك*
اقتباس:
المشاركة الأصلية كتبت بواسطة المردف
ما شاء الله تبارك الله الله يوفقك ويفتح لك ابواب الرزق
|
أجمعين أخي الكريم شرفني حضورك
اقتباس:
المشاركة الأصلية كتبت بواسطة الرحال الغريب
ماشاءالله تبارك الله
الله يوفقك وييسرلك امرك*
ابداع وتميز وفكر ناضج*
اتمنى لك النجاح في دراستك
ورحم الله والدك وأموات المسلمين
|
الله يجزاك خير أخي الرحال*
اقتباس:
المشاركة الأصلية كتبت بواسطة ررند
حبيبتي مرره عجبني المشروع وحابة ابدا فيه
لكن حبيت اسئلك
شو اسم العجينة
وهل اقدر افرزنها
وبالنسبة للصحون من وين اجيبها هل تقصدسن العادية البيضاء او مثل حقت المخابز البلاستيك الشفاف
وبالنسبة للف احسه متعب مرره وياخذ وقت هل ممكن اسوية في الويكند واعبي الفريزر صحون وكل يوم اقلي ولا كيف
وبالنهاية كيف اقدر اقنع حق الحلا هل اهطيه صحن مجاني يذوق الزبااين ولا كيف
نوريني الله ينور عليك دنيا واخر يااارب*
واسفة جداا على كثرة الاسئلة بس اني مررررره تحمست للموضوع
|
رند أهلا وسهلاً
العجينه أسمها عجينة الميدان للحلويات تحصلينها عند العثيم
فرزنت عجينة ذاك الليل وعند العصر سويتها وكويسه ما شفت تغير شي !
الصحون مثل هذا
سعره في المحلات بعضهم بريال وبعضهم بريالين*
المهم انا اخذه بنص ريال !
لفها صعب لكن بعد ما لقيت الفلووووس صار سهل ههههه
وطرف السمبوسه لزقيه بعجينة دقيق لأن بعضهم يلزقه ب بيض ف مع القلي
يطلع طعم بيض
شكراً ع تواجدك وردك الطيب شرفني حضورك
اقتباس:
المشاركة الأصلية كتبت بواسطة زرقا اليمامة
عجبتني شبكات التفكك الاجتماعي
بس ماشاء الله عليك وفقتي بين دراستك وهوايتك
الحين انتي تعلمتي وصار عندك خبرة في إدارة المشروع بعد ماتتخرجين ان شاء الله يكون قد جمعتي مبلغ كبير
حتى تفتحين مشروع ثاني وتتفرغين لادارته اكيد فيه مشروع كبير تتمنين انك تحققينه الله يوفقك ويسدد خطاك
والله يرحم ابوك ويجعله للفردوس الأعلى من الجنة آمين يارب
|
زرقاء اليمامه تعجبني مشاركاتك دائماً في هذا القسم لني أتابعه في وقت فراغي الله يجزاك خير دعواتك الطيبه
ومتوقعه أشوف ردك ع موضوعي*
مشروعين موب واحد 
واحد كوفي نسائي 
والثاني مدري وشو
شرفني حضورك الفخم*
اقتباس:
المشاركة الأصلية كتبت بواسطة لا احد 1988
مشاء الله تبارك الله
عندي استفسار كيف قدرتي تقنعي اصحاب المحلات انهم ياخذو منك ؟؟
*ومشكوره
|
اقتباس:
المشاركة الأصلية كتبت بواسطة سهوان1
مشروع طيب لكن سالفت اقناع المحلات كيف كانت
|
أتصلت على ع أول محل وطلبت رقم صاحب المحل السعودي
وكلمته وعرضة عليه*
قلتله أنا أسوي سمبوسه حلا ويوميه وأبغى أعرضها عندك إذا ما تمانع
ولك نسبة ريالين ع كل صحن المهم وافق وشرط انها ما تبات عندهم*
قال نحن متعاملين مع شركه في القصيم ولها فتره ما مرت*
فـ إذا سمبوستك مشت أتفقنا معك ع عدد معين قلت أوك
والحمد لله*
أما المحل الثاني صاحبه هندي ما مانع ابد وقال ارسلي كل شي
واذا عندك حنيني فترت الصباح ارسليها*
الهندي مادي بحت*
اما الثالث في البداية مانع وكان خايف من البلدية والتجاره
قلت ي اخي البلدية تسكر بعد الظهر وبيعك بعد العصر يعني في فتره مافيها دوامهم
والمسكين توه فاتح محله*
المهم وافق في البداية ب 4 صحون واليوم الثاني ب 6 واليوم الرابع ب10
اما باقي المحلات ف رافضين الفكره الا اذا معي ترخيص
والسعودي قالي ان النسبه اللي انا اعطيتهم كانت عاليه جداً*
وهذا اللي خلاه يوافق
لأن الشركات ما تعطيهم أكثر من 80 هلله ف الصحن ع قوله*
اقتباس:
المشاركة الأصلية كتبت بواسطة خيرات بلادي
ماشاء الله تبارك الله ,,,
|
الله يجزاك خير*
اقتباس:
المشاركة الأصلية كتبت بواسطة لاتقنط من رحمته
وين اللي همتة عاليه ولا والله مايكلف شي*
الله يوفقك ويخليك لعين ترجيك ويرفع من قدرك يا اختي الغاليه*
البلد هذي فيها خير لكن وين اللي يحتزم ويشد الهمه*
فكره جيدة وباقنع خواتي ولا زوجتي يمكن يتحركون*
سؤال / هل بتنجح في الرياض ؟*
سؤال / وكيف اسوق على المحلالت ؟
|
طبعا أخي بتنجح وليش ماتنجح دام في عزيمه وهدف لزم توصله*
خلال فتره معينه*
تابع موضوعي الثاني خلال اليومين الجاية بنزله ممكن يفيدك
وهوا أكثر فائده من السمبوسه وأسرع من ناحية التجهيز
أما التسويق واقف ع طريقة تقديمك لبضاعتك ع صاحب المحل
بس خلك لين ونسبته اكثر*
اقتباس:
المشاركة الأصلية كتبت بواسطة لعل وعسى
الله يوسع عليك ويفتح لك من باب رزقه ويوفقك*
بمشاركتك هذي وطرح تجربتك الهمت كثير ممن يريدونن خوض غمار التجارة والبحث عن الرزق*
بارك الله فيك ونفع بك الاسلام والمسلمين |
أجمعين أخي الكريم شكراً ع كلماتك الطيبه نورت وشرفت موضوعي بمشاركتك*
المعذره ع التأخير ما توقعت هذا العدد من الردود الله يعافيكم
وشكراً جزيلاً ع تواجدكم وردوكم المشجعه
بـ إذن الله بكتب لكم موضوع ثاني فيه تجارب صديقاتي*
بعضهم خلت الجامعه وتفرغت بسبب المردود والفائده الكبيره
