المشاركة الأصلية كتبت بواسطة فادي العتيبيي

صباح الخير اصدقائي ..
اخباركم عساكم بخير ..
اذا قلت لكم ان الموظفين اللي تكلمونهم كلهم ماعندهم اي درايه بشيء بتاخذون كلامي ؟؟ ياشباب قلت لكم في المشاركه اللي فاتت ان ألية القبول الان تخطت مسألة الايلس وغيرها من شهادات .. والله الذي لا إله الا هو ان الامير خالد بنفسه قال لي لما رحت له ودخلت عليه . قال لي تحسب درجات الاختبار التحريري مع درجة المقابله المعطاه لك وعلى هالشيء يتحدد قبولك بعد امر الله . علماً باني لما دخلت عليه مو لاني شخص واصل على قولت احد الاخوان اللي كتب لي في تويتر .. انا مواطن له الحق يدخل على الامير في جلساته المتاحه لاي مواطن . فرقي عن البعض اني عرفت متى جلسته ورحت له وسلمت عليه وعرفت بنفسي وكان في قمة التواضع وفهمت من كلامه لا واسطه في المسابقات واتمنى لا احد يتهكم ويكون محترم . انا او غيري ترا نبحث عن اي معلومه ونكتبها للزملاء هنا من باب التكاتف ورفع المعنويات مانتكافاء بتهكم واستهزاء .

عموماً ابشروا بالخير باذن الله ان الفرج قرب ثقتي بالله كبيره سبحانه واحساسي ان شاء الله مايخيب هالاسبوعين ذي بالكثير راح ينتهي موضوع الاعلان وبنعرف وش لنا وش علينا . انا باذن الله بروح بكره للوزاره امشط مكاتب شؤون الموظفين هههههه واجيب لكم اي معلومه

وعلى فكره المكالمات ترا فادتنا كثير لانها تزعجهم وتخليهم يستعجلون
وشكراً لكم