لاضاق صدري جيت عند المعاميل
ثلاث دلات ونـــــــــــــــــــجر يلالي
هاتو حطب من قبل ما يمسي الليل
ولا يجاب الا أعواد جـــــــــــــلالي
بشبها لاكان ما جا رجاجيـــــــــــل
وزين الكيفه وليني لحالــــــــــــي
بحط أنا حب نضيف مع الهيــــــل
والزعفران اشريه لو كان غالي
يبري خوى العمسان منها فناجيل
شاغلها أنا بيدي على شف بالي
وافرح لمنهم جاو ربعي مقابيل
بأعطيهم المذخور ماني بمالي
لما أقبلو قدهم شفايا مغاليــــل
يبغون كيفات وبرد الضلالــــي
بشبها بيدي وبطرب لهم حيــتل
وبتعب عليها للنشامى الغوالي
ما اقول سويها ولا ارسل ماراسيل
ولاني استكفى بنت الحلالــــــي
الجود يعشق غير ياتي غرابيل
خساره في الحال ولا الحلالي
ودرب الردى تلقاه سمح وتسهيل
ما به مخاسير ولا حر صالــــي
يا ويشلك بالفايده والمحاصيل
لا صار ما عينت معها نوالــي
يلبس قليل العزم ثوب من النيل
ما يكسب البيضا ردي الحبالي
ما يكسب البيضا يكون المشاكيل
اهل الكرم والجود والشور عالي
يا بنت يالي تدعج العين بالميل
شومي من الي ما خويه بسالي
تبناله السودا بروس الغراميل
ويحط له في كل مبدىٍ خيالي
ما يذري القاصر ولاينطح الشيل
ما يذري الا نايفات الجبالي
ونا ولد عود يعرف التماثيل
متعلم(ن) منه علوم الرجالي
ان جدت أنا حق علي يا مشاكيل
والجود عادات لجدي وخالي
فلي تردى الحظ ماله مراحيل
فكم واحد يخلف ومجناه غالي
وأقول أنا هرج صحيح لمن قيل
والصدق يشهدلي لمن جا مجالي
كلام أحلا من حليب المشاميل
ولاني اكذب في كلام يقالــــــي
ونا اذكر الله عد وبل المخاييــل
واعداد ما هبت هبوب الشمالي