السلام عليكم
اول شي ركزوا معي ي عيال
انا بينت لكم قبل ترسلون برقيات ان الديوان بيرسلها ل الخدمه وتحفظ وتجاهلتوا ردي ورسلتو واخر شي حفظت انا مجرب قبلكم كل الطرق سواً لديوان او غير الديوان
وصار لنا اسبوعين تجي خطابات من الوزارات والديوان الملكي بتوقيف الزيادات والانتدابات وخارج الدوام وكل شي ومنها التوظيف بعد انا خلاص تعبت واندمرت نفسياً لي 7 سنوات عاطل والله حتى عندي ظروف صحيه ماقدرت اكمل دراستي الجامعيه الى متى وبعد التوقيفات توظيف ساعد بيجي اقل من القطاره بزياده ادري وقريت كذا رد دقوا عليهم ساعد وبعضهم باشر بس كم اخذ ع بال ماباشر 7 شهور او اقل او اكثر ذا بالنظام القديم وميزانية العام الماضي اما السنه ذي ضار تضييق ع الوظائف تعبت ابي حل والله حتى الدنيا واسطات خصوصاً بوزاره العدل اي قاضي او شيخ يقدر يوظف اللي يبي ع البند لانه قاضي او شيخ وحنا ذبحنا الفراغ وقلت الحيا الى متى مليييييييييييييييييييييييييييييييييييييت
ابي حل ولااحد يجي ويقول روح لامير المنطقه رحت له قبل ولا صار شي والعسكريه مالي ميوووول فيها ابد
هي لو كل جهه حكومية سواً صغيره او كبيره تاخذ من ساعد وبسرع وقت يمدينا توظفنا مو كذا ابي حل تعبت تعبت