أأأأه ايفوني خربان وبنتن لقحطان احتاج هقققق جماعي وربي فيني البكيا

حتى التحفيظ اللي عشقي سحبت عليه الاسبوع دا وابلتي تسئل عني وتدور وراي ولا لي خلق اتواصل مع احد

كلامكم رائع يا ايفوني والله يصلح جوالك انا ايفوني شويا ويترحل الى العالم الاخر بس الحمدلله على كل حال
اسلوبك جميل ويدخل القلب الله يسعد قلبك ويجعلك كذا مروقه ومبسوطه دوووم ...

بالنسبه للوظائف والله ماخليت مكان الا ورحتله لو فيا حيل اكتب قصه حياتي مع الوظايف شي يضحك وشي يبكي

وللاسف مو متاح قدامي غير وظائف مختطله وانا مو بقدها واستصعبها مره ..

والمشاريع والتجاره كنت اعشق قسم الافكار والمشاريع والمنتدى ما ادخله الا عشان دا القسم

ولا كمان اكتبلهم افكار واتحمس مع الناس اللي بدأت مشروعها وادعيلهم دااائما وافرح معاهم وربي وانا معرفهم بس مشاركه وحاجه حلوه

تعطيني احساس حلو بأني راح اصير كذا في يوم ما والله كريم ..

والناس الايجابيين اللي قلتي عنهم ما خليت احد ما اضفته حتى المهابيل اضفتهم واتعلمت من الجميع

والله يعطيهم العافيه على كل معلومه اتعلمتها منهم ..

وكتاب السر قرأته وقرأت كثير غيره مرات اقول وش البكش دا ومرات اسلك للكاتب واقول صح واتفرجت افلام كثير حتى الهنود اتفرجت عليهم ماخليت احد وربي ...

انا دحين معد اطيق اي شخص يتكلم بأريحيه وان الحياه تمام واتمسك بحلمك وقريب بيصير ما تريد وووو
كلها عبارات مستهلكه معد تفيدني تتعبني تحسسني انهم عايشين في عالم غير عالمي
زي طارق الحبيب وغيره معد ابغى اسمعلهم ولا ابغاهم احس كله كذب حكيهم سنين احاول اغير من حياتي وانا نفس وضعي مافي جديد ..

بتقولي خليت الفقر شماعه كل مشاكلي وهذا فعلا حقيقي لو معايا صدقيني ما كنت كذا على الاقل اشتري اللي ابغاه من غير ما اطلب واتحاسب
لما يكون عندك مصدر دخل لو بسيط تقدري تجمعي وتعملي اي شي لو مشروع بسيط ...


الله يسعدكم يا اخواتي ويباركلكم في حياتكم واشكركم اخدت من وقتكم ..

في الاخر صدقوني محتاجه اتكفخ واحد يهبدني على دماغي وارجع زي ما كنت لأني بجد تعبببببببت
الطيب ما يفيد معايا خلاص انصرعتت وربي ...