آمين اختي هيبه شموخ لنا ولك وللجميع
شي طيب ينظم الينى العنصر النسائي نبي الكل يتفاعل سواً من اخواتنا البنات او العيال
ياشباب بختصر لكم اللي نبي وركزوا فيه
ملاحظه/ وين اختفوا الشباب نبي تفاعل اكثر سواً من البنات او العيال
اللي نبي وبشكل عاجل من صحفيين ومن مسؤوليين الاتي..
1 نكلم كذا صحفي بكذا صحيفه ونعلمه اننا نبي ساعد مفاضله واجبار كل جهه حكومية بارسال احتياجها للخدمه سواً من دوائر حكومية سواً لرجال او النساء
2 نبي الكل يروح ل اقرب فرع للخدمه يوطلب مكالمه الوزير باتصال مرئي احنا ناس متظلمين ليس من المنطق جعل نظام ساعد كذا وفيه واسطات غير طبيعيه وفيه ايضاً جميع الدوائر الحكومية تقوم بإذللنا انتضروا واصبروا حتى الاخوان اللي سبق وان افادونا ان ساعد تواصل معهم كم عددهم 3 الى 4 او اقل هذا ظلم بحد ذاته خصوصاً اجراءاتهم تأخرت كثير فحص مقابله ووو الخ
3 انا من اهل القصيم وفيه بلديات تعلن عن وظائف كل بلدية تعلن عن 17 وظيفه او اكثر يعني لو حطوا ساعد مفاضله اسوه بجداره اضمن لكم بعد الله عز وجل اننا ب نتعين
4 انا قابلت كذا مسؤول سواً بوزاره العدل او التعليم او بعض الجامعات اقسم بالله من بدء ساعد قبل سنتين وكلهم اصبر نبي نعلن وو ولااعلنوا انا اسال وين راحت هالوظائف جمدت او عينوا ناس عليها بالواسطه او تركوها شاغره او وظفوا فيها توظيف وهمي وجالسين ياكلون من رواتبها بغير وجه حق لااحد يكذبني هذا الحاصل من سنوات اكتشوا مسوول كبير بالخدمه اكل 300 الف وظيفه ؟؟!
غير الفساد اللي حاصل
5 الحين مدير فرع الخدمه المدنيه بالقصيم وع فكره فرع القصيم هو المسؤول المباشر عن ساعد بالمملكه كلها قالي رح لمدير اي جهه حكومية وهو يختارك ويوظفك ع طول عن طريق نظام ساعد اروح لمدير اي جهه يقول لا غير صحيح طيب الحين من اصدق كل واحد يرمي ع الثاني غير كذا ي شباب اقسم بالله صاير عناد وجيكره بين مسوولين ب امانه القصيم وفرع الخدمه بخصوص الوظائف كل واحد له رائي وصار لها سنه واكثر الوظائف تروح وتجي وتجمد يعني اذا صار مفاضله راح يستفيد الكل سواً بنات او عيال وحتى البنات اقسم بالله فيه وظائف ع البند بالجامعات وغير الجامعات وين تروح
6 وهذا الاهم انا اتحطم اذا شفت بلدية معلنه عن وظائف وشروطهم معقده اختبار تحريري واختبار عملي ومقابله وو وش هالوظيفه والله ولا شروط قبول ماجستير (ماستر) ليش كل هالتعقيد وهي وظائف ع البند وغير كذا والله ان الاختبار تسكيت هم عارفين من يبون بس قدام العالم اننا حطينا اختبار وعدا الاختبار فلان اللي هم يبون بس لو صارت مفاضله والتعيين فوري بنرتاح من كل هالمشوار
اقسم بالله انهكتني المشاوير صار لي فترات طويله اطلع لرياض و اطلع لمسوولين بالقصيم تعبت منهم وع فكره اقسم بالله ي عيال اني حصلت كذا شخص بالرياض يقدم يدوي ع وزارت كبيره واللي يبحث بيحصل له شخص يوظفه بس بالنسبه لي تعبت وربي خلاص الكل انتضر انتضر ملييت
نبي الكل يتفاعل من صحفيين ومن متقدمين ع ساعد ومن كل شرائح المجتمع والكلام للكل بنات او عيال وع فكره ترا حتى وزاره العدل اتجهت ل توظيف الحريم ع وظائف بند وغير المجالات الثانيه يعني فيه فرص وظائف كبيره ل متقدمين ساعد بس مين ينفذ فعلاً المفضله حل رائع خصوصاً ان كل جهه حكومية صغيره او كبيره تبي تنجبر ترسل احتياجها ل وزاره الخدمه ووزاره الخدمه هي اللي تبي تعينا يعني ظلم نتقدم ع وظائف اذا اعلنت اي جهه ويكون امامنا عثرات اختبار عملي تحريري مقابله ليش مو مثل جداره مجرد مايطلع اسمه يجري مقابله وياخذ قرار تعيينه
ارجو التفاعل العاجل من الكل
ترا الانتضار واذا ماتحركنا ماراح يجي سكوتنا ب نتيجه

اخوكم/ محمدالبدراني الحربي- القصيم