سلام عليكم اخواني واخواتي..
اتمنى اعرف رايكم
انا كنت باتوظف في احد الشركات لكن بعدين اكتشفت فجاه انه لازم اذا باتوظف عندهم اني اندعم من صندوق تنمية الموارد البشريه ، وانا الصراحه اترددت جدا لانه ناس تقول انه له ايجابيات وله سلبيات .. وانه اغلب جهات التوظيف ماتقبل اللي تم دعمهم سابقا..
وبعدين قالولي انه حيقدمولي دوره بقيمة 5 الاف ريال وهما حيدفعوها في السنه الاولى ، وفي السنه التانيه حيدفعولي قيمة دوره قيمتها 8 الاف ريال .... ادري انه هدا مغري
لكن المشكله اني احس الشغله شغلة احتكااااااار ، يعني لو لا قدر الله وخرجت من عندهم ممكن شركات تانيه ما تقبلني لاني اندعمت .. وغير كده انا مدري اذا قلت في يوم اني باستقيل هل يجب عليا دفع مبلغ معين؟! ... لانه كده اتوقع خساره عليهم!
حابه اسمع ارائكم ونصايحكم بخصوص موضوع الدعم...


وعندي استفسار تاني بخصوص الفتره التجريبيه ، قالولي الشركه انه الفتره التجريبيه حتكون لمدة 6 اشهر على حسب قانون العمل الجديد .. المشكله مو هنا ، المشكله انهم قالولي انك ما تقدري تتركي العمل خلال السته اشهر التجريبيه !!!!
ايش رايكم؟؟؟؟؟؟؟؟؟؟؟