لي فترة اتابع هالمنتدى،،
ولفت نظري هالموضوع ف حبيت اشارككم
انا موظف ف جامعة الدمام بنظام العقود لي 4 سنوات وعليها ..
ف المسابقة اللي قبل هذي قدمت ولا دخلوني لا مطابقه ولا شي
و ف هالمسابقة ارسلو لي مطابقة ونقول ان شاء الله خير ..
العدد المطلوب 130 وظيفه شامل الجنسين طبعا
لكن عدد موظفي العقود ف الجامعة فوق هالعدد ب 10 اضعاف اذا مو اكثر بعد !!
الجامعه عندها احتياج ولكن التوظيف بالقطّاره
بالاضافة ان هالتقديم يشمل الموظفين الرسميين عشان تعديل مراتبهم
يعني فيه كم وظيفه رايحه من الاساس بس معلنه شكلاً
السؤال، ليش م يسوون لهم مسابقه خاصه فيهم ك رسميين ويرقونهم
وبعدها بتفضى وظايف ويعلنونها للجميع ك مسابقه ..
جامعة غريبة بصراحه.
انا اقول اتركو الكلام عن الواسطات، هو صحيح موجود وبكثره بعد وعيني عينك
بس توكلو ع الله واللي يقدر يجي الافضل انه يجي واللي م يقدر يحاول بقدر المستطاع يجي
م تدري وش مكتوب لك يمكن تكون مكتوبه لك !
وبالتوفيق للجميع ان شاء الله
