بسم الله وحده والصلاة والسلام على من لا نبي بعده
اسئلتي في اخر الموضوع مرورك عليها يحفزني

اخوكم ابو خالد من الشرقيه طالب جامعي وش حليله \

قبل لا اباشر بالموضوع حاب اشكر ادارة المنتدى والقائم على المنتدى واعضاءه
من اكثر المنتديات اللي استفدت منها فمنذ الصغر والطموح والفكر التجاري لم يفارقني
بل انه من اول الثانوي الى ماتخرجت وبالي وفكري كله مع التاجره ولو كانت مجرد افكار فقط
كنت استمتع وقتها وانا اسولف عن التجاره مع الزملاء ، ولما ارجع البيت كنت ابحث عن الافكار التجاريه والمشاريع
والمنتدى اللي مانسيته وكنت ارتاده كثير هو منتداكم الجميل حلول البطاآآله متميز بمواضيعه واستفدت الكثير منه
والحين ولله الحمد انا بثاني سنه بالجامعه .

عالعموم نرجع للموضوع حبايبي الكرام
في الحقيقه ظليت ابحث عن تجاره حاليا وطريقه تكسبني راس مال
1-وضعت راس مال لي 500 ريال
بحكم مكافاتي والظروف الماليه
2-اتجهت لبعض مواقع النت اللي تستورد منها بضائع من الصين
وطلبت لي كم شغله من هناك وبجرب اني ابيعهم ، لكن حسيت في غلط وان الخطوه هذي غلط او بطيئه حيل ، وان في اسرار للحين غايبه عني (بحكم اني اتفلسف ع اخوياي كثير وتوبه) ، وبعد تفكير تذكرت منتدى حلول البطاله ودخلته واستفدت واكتسبت وكونت .

بحيث اني كنت اطلب اشياء بسيطه يمكن من كل شي قطعتين (بحكم مكان البيع) ومكان البيع مواقع معروفه مثل انستقرام وغيره .
اما الان قررت اطلب 50 حبه ،لكن هل تدخلها الجمارك كذا عادي؟ بذات انها اشياء صغيره مثل سماعات الخ

3-كنت اسمع عن توزيع مواد غذائيه ، لكن وين الاماكن بالضبط اللي اقدر اشتري منها؟ وطريقة الشراء كيف اليتها؟ (مثال :شراء اكثر من عشر كراتين يفرق عن كرتونين) ، هل استطيع الدخول لهذا المجال بي 500 ريال فقط؟
احتاج لونيت ولا موتري القميل ينفع؟

انا ساكن بالمنطقه الشرقيه ، ودخلت هنا في منتداكم وحصلت مكان بيع الجمله بالدمام سوق النخبه (كنت احسبه سوق طلع محل)
دقيت سلف العصر اليوم ودزيت هناك دقايق وانا عندهم
دخلت وطبعا هذي اول مره ادخل لمكان جمله بالشرقيه حتى سوق الخضره مارحت له (اللي يشوف انه بيناسبني سوق الخضره يقولي ويشرح لي)
تعرفون حال الغريب بالمكان يدخل ويطالع بس، فيه شوي حياء مضيع حاله مايدري وش يسوي ، هذا حالي
طبعا اول خمس دقايق اختفى الحيا كله بعد مافريت فره كامله وبديت اعرف وين انا ، رحت عند الثلاجات وجلست اقرا واشوف وشفت اسعار الدجاج البرازيلي وغيره. صورت كل البضايع في النخبه امشي واصور بس والكل يطالع
ولاحسيت بالوقت الا باقي كم دقيقه وياذن المغرب ، طبعا وانا طالع كنت اسولف مع هندي احاول اضبطه قلت شف لو ماحصلتك المره الجايه ترا منيب شاري شي وبسحب عليكم ، اهم شي وجودك
الهندي كان توه راجع من سفر

------
هذي قصتي باختصار
واسئلتي كالتالي
1-هل تدخل البضائع الكثيره وليست الكبيره للجمارك؟ بحيث اني لو طلبت 50 حبه وكل فتره صرت اطلب عادي؟
2-كيف الية توزيع المواد الغذائيه؟ وهل ينفع التوزيع على كل البقالات او السوبرماركتات؟ وماهي افضل الاوقات للتجاره من - والى - ؟ (دوام الجامعه من 8 الى 12 ومن الامكان يكون من 10 الى 12)
3-هل 500 كافيه؟
4-هل تنفع سيارتي سيدان؟
5-هل هنالك سوق جمله اخر بالدمام للمواد الغذائيه او الدواجن والارز؟
6-اي فكره منك ندعي لك عليها