السلام عليكم ورحمه الله وبر كاته
كنت ادور على اي احد ممكن يساعدني في مشروعي وايش اللي احتاجه عشان ابدا فيه
ولقيت هذا الموضوع اللي شدني حاولت امس اقرا كل الصفحات بس والله كثيره ودخت
فحبيت اختصر واسالكم ممكن احد يقول لي ايش كل الاشياء اللي احتاجها في المشروع دا
يعني من ناحيه الاجهزه والاوراق والخامات المناسبه ومن فين اقدر اشتريها علما اني بجده
هوعادي لو مؤسسات توفرها اطلب منها وتوصلها لحدي بس كنت ابغى اشوف الاجهزه بنفسي
يعني لو احد يكتب لي زي اللسته وايش افضل طابعه وافضل مكبس عشان اكون عارفه
انا بااشتغل على التي شيرتات البيضاء والسوداء والاكواب والصحون
قرات عن مكبس 8 في 1 بس مو عارفه ايش افضل مكان اشتريه منه ..
وكمان قرات في موضوع ان التيشيرتات اللي بااشتغل عليها بالمكبس مو عمليه
يعنني يخرب التي شيرت بسرعه ومايطول وان المكابس احسن شي للعمل الدعائي والاعلان وكذا
مو للاستخدام اليومي فياليت احد يعطيني من وقته ويكتب لي كل شي احتاجه عشان باابدا اشتري الادوات والاجهزه
في الاجازه دي واتدرب عليها
اسفه على الكلام الكثير بس حبيت اكتب كل شي في بالي