السلام عليكم
طيب ليه الغش والخداع
ليه ما تكتبون انكم توعدون الموظف الجديد بأن الراتب ينزل يوم 7 ميلادي من كل شهر والصحيح انكم تتأخرون من اسبوع ونص لحد اسبوعين والموظف مايدري متى ينزل راتبه.
ليه ما تقولون للموظف الجديد انكم سويتوا قروب ويوم الموظفين بدوا يتشكون من الرواتب والتأخير فيها حذفتوهم .
ليه ما تقولون للموظف الجديد انه لازم تذل نفسك للمشرفين وتترجاهم ينزلون راتبك ولازم ترسل لهم تشرح انك محتاج الراتب علشان تنزلون راتبه .
ليه ماتقولون للموظف الجديد انكم تحسمون على الموظف بدون وجه حق والعذر انه لايوجد بصمة للموظف مع العلم انكم اعترفتم بأن البصمة يوجد فيها مشاكل كبيره .
ليه ما تقولون للموظف الجديد ان القرارات ارتجاليه يعني مديرالفرع يقول قرار ويجي المشرف على الفروع بعد ساعتين ينقض القرار .
ليه ماتقولون للموظف انكم تضغطونه نفسيا لحد مايطفش والدليل ان ولا موظف استمر عندكم اكثر من شهرين الا موظف واحد بس .
ليه الكذب ليه تكرهون الناس في الشركات الوطنيه ثم تقولون السعودي مايبي يشتغل ويحب الراحه , والله والله والله ومن اسمي اكيد المعلن عن هالوظائف بيعرف من انا واتحداه يثبت ان كلامي خطأ أو يثبت اني اغيب او يثبت اني تأخرت في أي يوم بالعكس اعلى معدل للإنجاز كنت اجيبه ولكن للأسف التعامل وطريقته كانت تحت الصفر .
ردي لتبرئة ذمتي ووالله الذي لا إله الا هو ان كل ماكتبته صحيح والي يشك في كلامي يروح يقدم ويجرب.
رزقني الله واياكم العمل الحلال البعيد عن استغلال الشركات وكذبهم .
أي مشرف في المنتدى يحب يتأكد من صحة كلامي يكتب لي في الخاص ويبشر.