المشاركة الأصلية كتبت بواسطة راح لعيونك

للضابط لاأعلم لأن تعينهم ينزل بأمر من مجلس الوزراء

أما الفرد ياعزتي له من أقرب بقاله

أنا كنت وكيل رقيب فني وخدمت سنتين وفصلت

قالوا إنه فيه محكوميه علشان ماكملت الخدمة النظاميه 4 سنوات وبعد سنتين علشان أخذت دورة تخصص كفني

طلعت خرابيط عسكر علشان تخاف وماتفصل

أبسرد لكم الإجراءات والحلول وكيفية العودة لهم


إذا ماكملت الخدمة النظامية صعب جداً إن مرجعك يرفع لك معروض إنهاء خدمات لإن بعضهم يخاف ترجع على رأسه

يجب أن تغيب عن مقر عملك كان النظام 7 أيام أما عندنا بالجيش أصبح 90 يوم بعدين يرفع فيك مرجعك قرار فصل تغيبي وقرار بحث وتحري

أنا تغيبت 23 يوم ورجعت مكمل عسكري وكتبت الإفادة ليش أنا غايب وكتبت بالبنط العريض لاأرغب في الإستمرار بالسلك العسكري هذي أهم شيء
يرفع مرجعك معروض إنهاء الخدمة مع الإفادة وتروح للمجلس العسكري وبعد 20 يوم رجعت لمرجعي قرار تأيد فصل

(لو قدر الله ورجع رفض لمعروضك فيه طريقة إنك تطلب إعادة خدمة وتأكد إنه يكون بعد قرار الفصل الغيابي يعني بعد مضي المدة أكانت 90 يوم بالنسبة للجيش أو 23 يوم بالنسبة للداخلية , وراح يعطونك أوراق كشف طبي هنا حاول ترسب نفسك بالكشف الطبي وتكون غير لائق وكذا يفصلونك لإنك غير لائق)

نكمل
ورجعت لهم وأنا مدني وكملت أوراق إخلاء الطرف أخذت معي حوالي أسبوع لأنه يطلبون إخلاء طرف من خارج وحدتك من البنك العقاري وبنك التسليف ووزارة الإسكان ( وزارة الإسكان لإني كنت بالرياض ) وأخر شيء المالية الخاص بمرجعك ويعطيك ورقة علم وخبر
بعده ترجع لمرجعك وتعطيه الأوراق ويكمل ملفك اللي عندهم من وثائق وتوقيعات من مرجعك بعدين يطلع لشئون المتقاعدين العسكر

بعدين تأخذ عند شئون المتقاعدين حوالي 4 أيام وتروح لهم أو يتصلون عليك ويسألونك تبي مستحقاتك نخليها بالتأمينات أو تنزل بحسابك

ويعطونك خطاب تعديل مهنه وخطاب للمالية ( حتى لو بغيت المستحقات بحسابك أو بالتأمينات ) ولأحد ينسى يطلب منهم شهادة خدمه تراها تفيدك جداً بالتقديمات ومهمه جداً

وإذا رحت للأحول لاتنسى بعد مايعدل مهنتك تطلب برنت هذا بعد مهم

وفي معلومه بالمستحقات
مثلاً أنا خدمتي سنتين يعني رصيد إجاراتي شهرين إذا فصلت أو تقاعدت يعطونك زيادة من الدوله 3 أشهر
يعني يكون رصيدك 5 أشهر تجي حوالي 30000 ألف ريال

كل هذا حصل معي بدون واسطه وبدون توصيات

أما بالنسبة للعودة

(الجيش)
تروح لمرجعك وترفع معروض إعادة خدمه
هنا إذا ماكنت مكمل الخدمة النظامية تجيك وإحتمال محكوميه
وإذا كنت مكمل الخدمة ماتجيك محكوميه

والنظام إذا كنت متأخر سنه تنقص رتبة وإذا كانت سنتين تنقص رتبتين وهكذا

أما بالنسبة للداخلية
فصدر أمر من وزير الداحلية
ترفع معروض إعادة خدمة للوزير
وكان سابقاً ترفعه لقائد القطاع

وهذا أفضل لأن الوزير والمجلس العكسري كثير مايوافق أما قائد القطاع فيكون غالباً متزمت ولازم واسطه

وهذا اللي حصل معي
حوالي 3 شهور وأنا مخلص
وصديقي فصل وقت الزحمه شهر 1 وأخذت معه 5 شهور ومخلصي إلا قبل يومين

وبالتوفيق يالغالي

وأي إستفسار أنا موجود