السلام عليكم ورحمة الله وبركاته
بدخل بالموضوع على طول بدون مقدمات طويله و ابي رايكم و اقتراحكم وماخاب من استشار

اولا انا عاطله عن العمل وبنفس الوقت طالبه جامعيه عندي ارض لو بعتها مابتجيب لي اكثر من 130 الف
وبصراحه ما املك راس مال غيرها حابه ابيع هالارض واستثمر فلوسها وانميها
لاكن مثل ما انتو عارفين الاف المشاريع و الافكار وانا ماعندي مشروع معين في بالي لاكن فكرتين بشغلتين
اما اني استورد الشاي الصيني بأنواعه او ابيع القهوه بأنواعه
الشاي الصيني اجيبه من الصين بنفسي وانواعه كثييييره اكثر من 500 نوع شاي عندهم وكل شي له ميزه معينه مثلا شاي تخسيس شاي لمرىض السكر شاي لتحسين البشره خاص للنساء وشاي لتنعيم الصوت وانواع كثيييييره للشاي لا تعد ولا تحصى وعلى فكره كله شاي طبيعي 100% وبنفسي شفته ف الصين وينباع بالكيلو يعني مو شاي مع خلطات او اشياء مبهمه ... وقلت اسافر و اجيب كميه متوسطه من الانواع الي اتوقع انها تمشي عندنا لاكن ماعندي محل ولا اعرف ناس كثير عشان ابيعها عليهم وما اعرف شلون الطريقه الي اتفق فيها مع المحلات و اعرضها عندهم او ابيعها عليهم


الفكره الثانيه اجيب طاحونة قهوه منزليه و استورد البن التركي من تركيا انظفه بنفسي و احمصه على حسب الطلب واطحنه وابيعه يعني كله شغل منزلي ونظيف لاكن نفس الشي فكرة البيع هي الي معقدتني كيف اصرفه


طبعا سواء شاي او قهوه راح اسوي لوقو خاص فيني وعبوات خاصه بتصميم خاص وهكذا

الحين ابي رايكم في هالفكرتين لانها منزليه وماتحتاج تعب و دوام رسمي خصوصا اني طالبه و متزوجه و حاليا الوظيفه صعبه علي شوي بسبب المسئوليات وماعندي راس مال اني افتح محل و ابيعهم لاكن ان شاء الله ربي يرزقني ويرزقكم وافتح محل قد الدنيا

وابي طريقة التصريف للمحلات اخجل اني ادخل المحلات و اقولهم تشترون مني او اعرض عندكم ياليت تشجعوني وتدعموني برايكم او دعوه منكم ان ربي ييسر اموري ويوفقني