السلام عليكم
الله يجزاكم خير اخواني واخواتي
انا بطلع بطاقة احوال خاصه فيني
رحت للقسم النسائي وأعطوني ورقه تعهد يقولون هل انتي موظفه حكومي او اهلي
واذا ثبت خلاف ذلك تتعرضين للعقوبه والسجن
انا اشتغل في محل ملابس نسائية مع مجموعة بنات ومسجليني بالتأمينات وبتركه بعد شهر يعني وظيفه خربوطيه حتى الراتب مايسوى التعب
سؤالي ياأخواني:
الان اكتب موظفه ويكتبون في بطاقتي موظفه وانا اساسا بفصل
واذا كتب غير موظفه وطلع اسمي بالتأمينات عندهم هل فعلا اتعرض للعقوبه
مع العلم ان صديقتي اتصل ابوها على واحد يعرفه بالاحوال وقال ترا وظيفتها بياعه ماهي وظيفه عليها الكلام يعني وظيفه خربوطيه بأي لحظه ممكن تتركها
ومشو موضوعها ماشاءالله
الله يعافيكم اللي يقدر او تقدر يفيدني راح أتصدق عنه وادعيله الله يجزاكم خير والله اني في هم عسى الله يفرجها