المشاركة الأصلية كتبت بواسطة وردةة

سبحان الله , الحمدلله , لا إله إلا الله , الله أكبر , لا حول ولا قوة إلا بالله ..

السلام عليكم ورحمة الله وبركاته ..


عندي إستفسارات عن تخصص الطب وأتمنى الرد عليها وجزاكم الله خير ..

ابشري وتحت أمرك وبجاوبك باللي افهم فيه

1/ إذا درست سنوات الطب الأساسية اللي هي سنة تحضيرية وبعدها 5 سنين وسنة إمتياز
لازم بعدها أدرس تخصص ولا اقدر أصير طبيبة بعد ماأتخرج ؟ وصح اكون طبيبة عامه ؟
وإذا ماتخصصت بعد التخرج وش الوظايف اللي تقبلني ؟

تدرسي سنه تحضيرية عامه لجميع المواد وبعدها على حسب معدلك تحدد لك الرغبات ( طب بشري - صيدلة - طب اسنان الخ ) وبعدها تدرسي 5 سنوات تخصص والسنه الاخيره تطبقي أمتياز وتعتبري طبيبة تحت التدريب .. وبعد اكمال سنه الامتياز والتخرج تكوني طبيبه عامه غير متخصصه .. واذا حابة تتخصصي في مجال معين ( جراحه - طب نساء وولادة - باطنيه - عظام - طب اسره و و الخ حسب ميولك ورغبتك

2/ بالنسبة لسنة الإمتياز لازم أدرس نساء وولادة و أقوم بعملية ولاده ؟؟

سنه الامتياز تعتبر تدريب بأحد المستفيات ويكون العملي اكثر من الدراسه النظرية .. وما اعتقد يطالبونك بعمليات ولادة من البداية

3/ وهل فيها جراحه ؟

ايوه فيها جراحه

4/ إذا أبغى أتخصص بعد التخرج عيون بس ماأسوي عمليات أقدر ؟

كونك تخصصتي بهالمجال مستقبلا وتعمقتي فيه .. فـ أنتي ملزمه تبدعي وعشان تبدعي فيه لازم تتعلمي جميع المهارات ومن ضمنها اجراء الفحوصات والعمليات ..

وللمعلومية في اختبار الهيئه الصحية للتخصصات الصحية بعد التخرج من الجامعه عشان تكوني طبيبة معتمدة ويسمح لك التقديم ع الوظائف الحكومية

أتمنى الرد وجزاكم الله خير ..
لا إله إلا الله محمد رسول الله ..
اللهم صلِ وسلم على نبينا محمد عليه الصلاة والسلام ..
سبحان الله وبحمده سبحان الله العظيم ..