نشدت عنه كاتبين الجوازات
قسم الخروج اللي يجيه المغادر
قالوا تعدى صار له ست ساعات
حتى جوازه توه اليوم صادر
هذا السفر كله نتيجة خلافات
بيني و بين اغلى حبيب مسافر
يا ليت عيني شافته ما بعد فات
الله يجازي سايقين المواتر
راحوا بخلّي في دقايق قليلات
معرضينه للتعب و المخاطر
على الجموس اللي تجيب المسافات
اللي تسابق طير بالجو طاير
يا الله يا عالم جميع الخفيات
انك تعين اللي قضى الليل ساهر