بصراحة انا حابة اطرح مشكلتي عشان القى حلول وعشان افهم ايش اللي لي واللي عليا
انا اشتغل في شركة لي سنة و6 شهور
كان مديرنا في البداية رجل وكنا نلاقي منه الانصاف بعض الشيء
طبعاً كنت سنه كامله اداوم بدون اي تغيب والحمدلله حصلت على اعلى تقييم في الشركة
وشهادة شكر موقعة من مديري السابق ومن مديرتي الحالية لانها كانت في وقت سابق مجرد مشرفه
بعد استقالة المدير تم تنصيبها مديرة عامه على القسم النسائي
وهنا بدأت مشكلتنا
تعرضت لظرف قاهر وانا تحت ادارتها ومع علمها المسبق اني انسانه غير مهمله وما اغيب الا للشديد القوي
رفعت فيا انذار ورفضت انا توقيعه وقلت لها انا عندي 40 يوم من اجازتي السنوية ما استهلكتها ومن حقي
لو رفضتي عذري اخذ يومي من اجازتي السنوية هي رفضت وقالت مو من حقك تاخذيها وراح نخصم منك اليوم اللي غبتيه لانك ما اتصلتي عليا واستأذنتي مني ؟! وفعلاً خصمته مني
ياناس بأي حق استأذن منها وانا عندي عذر اصلاً ماغبت العب وكان عذري مراجعة دائرة حكومية تاخذ وقتي كله
هي ماقدرت ورفعت فيا انذار رغم اني ماتغيبت ابداً لمدة سنه كامله ؟!
بالاضافه انها ترفض قبول تقاريري الطبية وتتلاعب في الرواتب اللي اصلاً كنت انا اقوم بعملها بحكم اني محاسبة
لكنها سحبتها بعد ماكشفنا تلاعبها وانسحبت منها الادارة وبقدرة قادر رجعت مديرة مره اخرى ولا اعرف كيف !!
ترفض تزويدي بأي معلومه بخصوص حضوري وغيابي وترفض اطلاعي على الايام المخصومه من راتبي
وبحكم خبرتي وصلت للمعلومه بنفسي واكتشفت انها تخصم مني ايام اضافيه بحجة انها ماشافت اعذاري وهي شافتها ؟
تحرص على الموظفات الخانعين لها انهم مايعطوني اي معلومه تخصني وهم مثل التبع وراها يسمعون كلامها
ويقبلون على نفسهم يتلاعبون بمال الناس !!
جردتني من مهامي المحاسبي رغم ان معي شهادة محاسبة وعملت عمل جبار لمدة السنه والنصف وبدون اي اخطاء
صادرت مهامي مني واعطته لبنات مسمياتهم الوظيفيه ادخال بيانات ... واعطتني مهام ليس لها اي اهميه في الشركه .. رغم ان مسماي الوظيفي محاسبة !
لما كنت اعمل كمحاسبة فصلت الانترنت من جهازي وكانت تخليني اتمرمط وانا اتشحذ البنات عشان اكمل شغلي من اجهزتهم .. وقعدت شهرين توعدني انها تشبك لي النت واوهمتني انها تواصلت مع مسؤولين في القسم الرجالي ولما شفت الموضوع طول تواصلت انا وكلهم انكروا انها كلمتهم بخصوصي ..
راجعت مستحقاتي من اجازتي السنوية واكتشففت انه فيها تلاعب ايضاً ..
وطفح الكيل وطلبت اجتماع طاريء مع الادارة الرجاليه وفضحتها قدامهم .. ولكنهم خانعين لها ..
بالصدفة تم تبليغي انها رفعت فيا خطاب فصل رغم ان عندي مايثبت حصولي على تقييم ممتاز وكان اعلى تقييم
في الشركه كلها ولمدة سنه وبتوقيعها هي شخصياً الحمقاء.. ومع ذلك حاولت انها تفصلني .. ولما استفسرت عن سببب كرههها لي قالت انها تكره شخصيتي لاني غير انقياديه .. وانا فعلاً مو انقياديه لكني كنت احترم عملي واحترم تقدير الشركه لمجهودي .. كنت اشتغل بدون ما احد يأمرني واعرف ايش اللي لي واللي عليا
لكن لما خرج المدير وشفتها تقرب البنات حسب علاقتها الشخصيه فيهم ووعدتهم بزيادات رواتب رغم قلة مؤهلاتهم تتغاضى عن ايام غيابهم وتعذرهم وتحابيهم حتى كشفتها وفضحتها ومن بعدها تم سحب الادارة منها وبقدرة قادر رجعت مديرة بسبب علاقاتها مع القسم الرجالي
وتطبق النظام علينا باستنثاء صديقاتها وحتى تستثني نفسها هي ..
مثلاً في بصمة البريك : ترفض تبصم وتلزمنا اننا نبصم احنا .. انا قلت لها ماراح ابصم غير لما تبصمي انتي كمان
ومثلاً ايام الاجازه : ترفض اني استهلكها وقت ما ابغى رغم انها اخذت 30 يوم قبل ماتكمل خدمتها سنه واستلمت مستحقاتها كامله وبعد ماكلمت السنه استلمت 10 ايام بمستحقاتها رغم اننا كنا لسه في اول شهر من بداية السنه الجديده
كيف صار في رصيدها 10 ايام ؟؟؟ ما ادري ؟؟!
العبرة انها تتلاعب وتستخدم ورقتها الرابحه الوحيدة وهم بعض الرجال التبع في قسم الذكور واللي لهم كلمه في الشركه ..
كانت البنت اللي تغيب يوم بدون ماتستأذن منها تعطيها انذار وتخصم منها يومين بالاضافه ليوم الغياب ..
ومع ذلك ماتفكر تطبق النظام هذا على نفسها هي وصديقاتها
لما نجيب عذر طبي .. وتأخرنا في تسليمه يوم .. ترفض قبوله .. وشغاله تخصم في الرواتب ..
حتى مره خصمت على موظفه يوم والموظفه جايبه عذر طبي .. وبعد ماسألناها تقول التقرير مصور .. ماجبتو لي الاصل
وقاعده تدور اي حجه عشان تخصم من رواتبنا ..
.......
بما انه محد اخذ حقي انا عندي نقاط ضعف للشركه .. وحابه اشتكي في مكتب العمل وعلى ما اتوقع ان اصحاب الشركات يشترون القضايا بالرشاوى .. وبكذا انا ماعندي مشكله يا اني اخذ حقي يا اني افقع جيبهم واعرضهم للاستغلال من جهات اخرى ..

نقاط الضعف هي :
وجود الكثير من العماله يعملون لدى الشركه وهم ليسوا على كفالتها ..
القسسم النسائي غير مصرح ومسموح به ..
بالاضافه الى انني اتعرض للتهميش وبيدي تقييم عام كامل امتياز وبشهادة المدير السابق والمديرة الحالية ..
وعندي الكثير من المخالفات ..
تتوقعوا مكتب العمل يستجيب لي لو اشتكيت ؟
...
انا اكره الظلم ولو ماكنت انا اتعرض له بوقف مع اي مظلومه في هذا المكان
واكره الاشخاص الديكتاتوريين حدثاء العهد بالمناصب وااللي يطيحوا في الناس ظلم لمجرد انهم مايخضعوا لهم
عند المديرة هذي عبوديه فضيعه البنات اللي معاها يسون لها كوفي .. ومساج ... وخدمات على كيفكم .. لما نزعلها تنزوي في زاويه وتبدأ بتقطيع شعر رأسها .. مو طبيعيه ابداً !!

المهم يا اصحاب الخبره .. قولولي كيف اتصرف !!