بكتب تجربتي مع اختبار الإنجليزي لأني مره استفدت منكم وحبيت أفيدكم حتى وإن كانت الأسئلة مختلفة بس على الأقل دخلت وعندي خلفية عن طريقة الأسئلة .

أول شيء الليسننق بالنسبة لي كان أصعب بارت يعني يتكلم بسرعة أسمعه مره وحده والأجوبة عالم ثاني ولا أدري وش يبي بالضبط

ثاني شيء القرامر اللي متدرب على حل تمارين قبل يدخل الاختبار بيعرف يحلها متوسطة الصعوبة

ثالث بارت الفوكابلري كانت قسمين :
1- إذا الكلمة تحتها خط معناها يبي المرادف لها
2- وإذا الجملة ناقصة هذا معناته أكمل/ي الفراغ بالكلمة المناسبة

رابع شيء الريدنق كان أسهل شيء ومثل ماقال الأعضاء هنا جابوا لنا ( بلو مون - الصحراء - الاسنان - الشاي )

ملاحظة : الأسئلة كانت مختلفة وحسيت مافي مرجع تقدر تذاكر منه وتضمن النجاح يعتمد على ثقافتك وخلفيتك بالإنجليزي لأن الأسئلة والفوكاب كلها ولا شيء جاء من اللي ذاكرته ماعدا الريدنق .