اقتباس:
المشاركة الأصلية كتبت بواسطة ام ابناءي
الضمان بدل مايكون مصدر امان لنا صار مصدر رعب نخاف نتوظف يسقطونا نخاف نسافر يسقطونا نخاف تصير فحساباتنا فلوس يسقطونا نخاف ناخذ قرض ونتوهق ويسقطونا والله العظيم جابولنا الهم وسببولنا الرعب المفروض يكون فيه بحث ميداني اللي يشوفون حالتهم سيئه بالذات المطلقات اللي يعولون عيالهم والارامل واكبار السن الي اغلبهم فاجارات وماعندهم غير الضمان هذول مايحتاج يسقطونهم لو توظفو لان هم محتاجين راتب اظافي لدفع الاجار ومصاريف بيت وعيال والمفروض المقطوعه تنصرف لهم سنويا لان وضعهم يختلف عن اللي مطلقه او ارمله وساكنه مع اهلها او فبيت ملك ماتدفع اجار ولا فواتير كهرب ولا فلوس مواصلات طبعا انا ما اهضم حق احد والكل الله يرزقه لكن اتكلم بالعدل يعني الضمان شغالين اسقاطات فالعالم وتجي براس الضعوف اللي هم اكثر حاجه من غيرهم
|
كلامك عين الصواب اذكر قبل اربع سنوات جات سيول على تبوك وصرفو المقطوعه للي مقدم عليها بحد اعلى 30 الف ماشاءالله استلمو كل المقدمين وكان مراجع نزلت لهم فيه عندنا عجوز والله انها استفادت منها اشترت كرسي متحرك اصلي وسوت لها دورة مياه تناسبها وقدمت على شغاله وفيه مطلقه بنت بالعشرين عند اهلها لعبت بالفلوس وماشاءالله مهي بحاجه ابوها مدللها هي ارزاق لكن فيه المستحق الحقيقي لازم يكون هناك قرارات تزيد من دخل المستفيد المحتاج مثل الوظيفه هناك وظايف قطاع خاص ليش يحرمون المستفيد يااما ابقى على مخصص الضمان او اذهب للوظيفه وتحرم من الضمان !!!!