شوفي لاتتضايقين وتتعبين حالك انا تقريباً مثلك ولله الحمد شلت شغلت كبير ومحد عبرني
حب التميز و الإنجاز مشكلة لما ينحط بمكان غلط مايستاهله
واذا فكرتي فيها كثير اصلا مايوظفون المميز يوظفون الغبي حتى يحافظون على البوزشن تبهم وهذا من الواقع واللي اشوفه
بس فيه حاجة لازم تحطينها براسك الآدمية هذه عارفة انو قدراتها اقل منك وخايفة تاكلين عليها الجو
واضح ان مشكلتها شخصية وليست مهنية سواء معك او مع غيرك
دام انت ممتازة ومتميزة بشغلك خليك ذكية معها
تذكري انك تشتغلين بمكان اصلا مايقدر المتميز ويحب المتحايل واللي يعطي لسان حلو
سوي اللي مطلوب منك ونفذي التعليمات بس لاتضغطين حالك علشان ماتتحسفين بعدين على الجهد المضاعف اللي بذلتيه مثل ماسويت انا وانقهرت اخرتها
دامك اخذتي سنة ونصف اصبري ست اشهر واطلعي اجازة سنوية وريحي حالك ولاتضغطين عمرك بالشغل وبهالفترة شوفي لك شركة ثانية او مكان ثاني
وبعدها ارجعي كملي شغلك عادي
خذي خبرة سنتين وشوفي لك بنك او شركة غير دام شهادتك محاسبة
بالنسبة لمكتب العمل ايه قانونياً فيه عليها مخالفات بس انسي يسوون لك حاجة والله مرمطة معهم وبالأخير ماتطلعين بشئ وغالباً الحجة مافيه اثباتات ولا اوراق ثبوتية عليها

اهم حاجة ابعدي عن الحرام والتلاعب بالشغل ، القطاع الخاص فعلاً غالبه زفت إلى ابعد حد