والله حرام عليكم لنا 9 شهور نتابع ونتامل املنا اهلنا وعوائلنا واستبشرنا خير يوم جاتنا رسالة الاختبار قلنا يارب بالنهايه تجيك رساله انك ما اجتزت الاختبار بكل برود وبساطه وبعد 9 شهور من المماطله كل هذا تبي تبين لنا انكم تطبقون الشروط والنزاهه طيب يابو نزاهه اذا انت حقا تراعي الله وتدعي المثالية ليه ماتحطلي درجة الاجتياز وتبين لي درجتي اللي حصلت عليها وتبين جميع درجات المختبرين ولا بس تبون تسون لكم صدى اعلامي ان النزاهه والحقانية تقطر منكم وتجبون مصورين يصورونه واحنا نختبر شفونا ياعالم احنا نسوي ونفعل طيب دام انه الوظايف محجزونه لفلان وعلان ليه تسحبون فينا 9 شهور باي حق معقوله كل هل الاختبار واستخراج النتايج ياخذ كل هل الوقت والله ياخوان انا صارلي 5 سنوات متخرج جامعي من شركة قطاع سيء الى اسوء شركات تدخل بالملاين تستكثر عليك راتب مجزي لك استغلال لحاجة الموظف تبي ولا 1000 غيرك يجي لاحسيب ولا رقيب والديوان مثل منتو عارفين يجيب الله مطر على هل النقاط التعجيزيه اللي شارطين فيها لتوظيف خلتنا نفقد الامل انه نشوف اسامينا بل صارت من الاساطير والاحلام مانصدق على الله نشوف اعلان مسابقه وظيفيه مستوفية لتخصصي والشروط كاملة تتامل وبالنهاية يخلونها للحبايب ويقولك بكل بساطه انت ما اجتزت والله ادري يا اخوان انه كلامي لا بيودي ولا يجيب بس الواحد ينفس من القهر اللي بداخله وخاصه في وضعنا الحالي سوق الوظايف كل ماله بتدني شركات مدخولاتها ملاين يعطي راتب بمؤهل ثنوي ومتوسطه والشركات الباقيه لازم تعرف زيد وعبيد على شان يدخلك شركات تصول وتجول لاحسيب ولا رقيب فساد محسوبيات واسطات وكئالك يا اخوان لنا عتب على بعض المتقدمين وكلامي هذا من واقع تجربة تلاقون في نسبة كبيرة منهم شغالين في قطاع خاص يستلمون ضعف راتب هل الوظيفة الجامعية بس كذا يجي يناشبك لمجرد ينبسط انه يشوف اسمه وهو يخرب على غيرة اللي بامس الحاجه لي هل الوظيفة على كل حال ياخون الله يوفق اللي جاته والرزق على الله الله يرزقنا بوظيفة تنسينا تعب الانتظار ويفرج على كل واحد بوظيفة اللي تسر خاطره والله لايوفق اللي وقف في طريق رزق وحاجة الناس ويارب يذوقه من نفس الكاس اللي شربنا منه