المشاركة الأصلية كتبت بواسطة توااق

اهلين اخواني

بخصوص الاسسمنت كان عددنا 6 اشخاص الاغلب رغباتنا IS بس مش الكل
قابلنا الاخت دانه والاخ خالد اللي شفناهم بالاوبن داي وكان فيه شخص ثالث أقدم منهم واعتقد له علاقه بالتدريب بالاتش آر

بعد الترحيب والتعريف بأنفسنا جمعونا في طاوله اجتماعات لحالنا وكانوا يراقبونا من كل الجهات

اعطونا سيناريو تخيلي باختصار ان حنا اعضاء مجلس في بنك وعندنا اكثر من بروبوزال مفروض نحدد منها ايش الأهم واحد عشان نبدأ في تنفيذه

مثلا الاول كان اننا نسوي دعايه للبنك في السوشال ميديا
والثاني كان اننا نركز على تطوير العمليات والثالث نطور الموظفين

وبعد قراءتها كلها نقعد نناقش بعضنا في المميزات والعيوب ونطلع بخيار واحد في النهايه نعرضه على الرئيس التنفيذي عشان يعتمده

طبعا هم يراقبون نقاشنا كامل ويسجلون نوت

والرئيس التنفيذي اللي نناقشه يكون واحد منهم في النهايه نسوي له برزنتيشن خفيف ليش اخترنا هالاختبار وايش فائدته في هالمرحله

طبعا بطبيعة الحال في النهاية كانوا يسألون كل واحد ليش اخترت هالاختيار وهل انت مقتنع واللي غير رأيه خلال الاجتماع مثلا يسألونه ليش غيرت ولا بس مشيت مع الخيل يا شقرا

طبعا ما فيه صح او خطا بالاختيارات بس يبغون يشوفون كيف نتصرف كفريق وكيف كانت ادوارنا بالسالفه


تقريبا اخذنا نصف ساعه واكثر شوي للشغله كامله

وسألناهم عن القادم قالوا ان اللي لسى ما حددنا لهم المقابلات معناها ان القسم حقهم باقي ما اكد لنا وقت وقالو ان الاستاذ نادر تبع قسم الاتصال ماخذ اجازه فأغلب اللي باقين معلقين عنده

الخطوة الجايه هي مقابله شخصيه عاديه غالبا بيسويها الهيد حق القسم اللي اخترته

طبعا الانترفيو فيس تو فيس لكن لأن اغلب المدراء بالبحرين والظهران فالانترفيو بيكون عندهم في المقر لكن عن طريق الكام

الله يوفقنا ويكتب لنا الصالح والخير دائما