يابنات
كيفكم وش اخباركم
لي ساعه تايهه من صفحة 120 إلى الاخيره
لقيت عدة اسئلة ماحد جاوب عليها
طبعا ياللي توها بتقدم ع بطاقة احوال مدنية ترا مافي زحمه هاليومين والشغلة بسيطة
خذي معك :
ملف اخضر علاقي فيه صورة من بطاقة عايلة زوجك أو ابوك ومعك الاصل للمطابقة ولازم يكون ولي امرك مسنتر عند الرجال معرف أو هو يقدم لك وانتي سنتري عند الحريم
اللي معها جواز سفر هي تعرف لنفسها مايبلها ولي امر معرف مثل ماسويت أنا
خذي معك صورة شمسيه (ملونه) 4×6 واكتبي اسمك عليها من الخلف
راح ياخذون ملفك ولو مثلا رحتي السبت يعطونك ورقة مراجعه السبت ياللي بعده .. رحتي الاحد يواعدونك الاحد وهكذا يعني الشغلة يبيلها اسبوع بالضبط لا تستقدمين ولا تستأخرين
عاد اذا رحتي للموعد يكون التصوير واصدار البطاقة ما حــ تطولين بس ساعه فأقل
وللمعلومية أنا شفت بنات مشخصين وانواع الميك أب قبل التصوير !!
غريبه بعكس جواز السفر
بس هالمعلومات مو لوجه الله خخخخخخخخ امزح والله
بس تكفوووووون ابيكم تفيدوني متى ينزلون موعد الاختبارات لمسجلات المعلومات ؟
بالنت ؟ وايش الموقع ؟
وإلا ورقه ملصقه بجدار ؟ وعلى اي جامعه ؟
وهل .. قبل تنزيل اسماء المرشحات وإلا بعده ؟
اصلا .. اصلا .. اصلا .. متى بينزلون اسماء المرشحات ؟ باليوم لو سمحتوا
تحياتي للجميع