المشاركة الأصلية كتبت بواسطة لا يوجد كفيل

السلام عليكم
المعذره الاخ عبدالله
الساكت عن الحق شيطان اخرس
سااسرد ما حصل لى فى هذا الموقع البارح شفت اليل
وشفت وسمعت
طبعا يا اخوان انا اختبر انتساب كلى لعلى استلم شهادتى بعد انقطاع 25 سنه وشكلى بستلمها وبتقاعد قبل اتوظف هههههه شر البليه ما يظحك
المهم المشرف ابو ريان ماقصر قلى تداوم من 11 الا ربع وتروح 6 الصبح انا قلتله بعد الاختبارات او اجيك العصر لين اليل قلى ما تقدر ليل قلتله ابشر قلت حلو تحمست لانى كانت خارج المملكه 4 شهور ونتفت شعار الشركه السابقا ولبست وقدمت اوراقى كانت جداا بسيطه شهاده وبطاقه قلت الحمد لله تيسرت
وجيت قبل الموعد بي ثلث ساعه المكان مريح كشك صغير فى حوش وكشك صغير على مدخل عمارتين على الشارع مكيف الحمد لله طبعا ما دخلته جلست برا على كرسي ومع الحوار مع المشرف ابو ريان اتضح انى سالته عن الراتب كم قلى كم قلك ابو رياض قلتله 3500 زودوها شوى قال لا ما نقدر قلنا توكلنا على الله بسم الله نبدا طيب كيف الاجازه قال يوم فى الاسبوع بس انت بنجربك 15 يوم وبعدها خلاص بندخل على رمضان ورمضان مافيها اجازه لاننا خلينا الدوام 6 ساعات والله يا اخوان حسيت انى جاى من بنقال ولا اعطيته اقامه السائق كومار معنو ماعندنا سائق هههه طبعا ال6 ساعات مو من مكتب العمل؟؟؟ هوا مسويها يحسبنى مدرى طيب وظع الامور الثانيه الغياب يوم بيومين ونسحاب500 والنوووم والحلو والاكثر الى عجبنى وخلنى اشترى راسي وروح لبيتى معزز مكررم لو تاخر عليك الفرد ومشيت 1000 ريال هههه رابطينك بفرد ثانى الله الله قد ابش فرحت هههههههه والغريبه الرجال ابو ريان الى معطينى الاوامر والقرارات طول اليل نايم المشرف مخلى ريان علينا انا وعبدالله معليه يا عبدالله الحقيقة حلوه والساكت عن الحق شيطان
ان كنت تدرى بهذا كله فا الله وكيلى وان كنت ما تدرى الله يسامحك حسبتها يمين يسار بعد دوام 7 ساعات قلت 7 اهون من 30 يوم ونزول الراتب طبعا فى 10 ؟؟؟؟؟؟؟؟؟؟ 100 خط احمر طبعا الستره رحت وهى برا البنطلون قلى لا اوصيك قلتله القيافه قال اى وعبد الله قدمه بدون والى استلمت منه وانتم بكرامه شرقى حذيان ورديه العصر وانا اليل قيافه ههههههه قلت عبدالله وش السالفه قلى عشانك جديد قلت له ماشاء الله كم لك يا عبدالله قلى اليوم الثالث؟؟؟؟ قلت ماشاء الله قديم عنى بيومين؟؟؟؟؟؟
شكلنا الموقعين انا وخونا عبدالله لين وصلنا قريب الفجر قلى طفشت نغير قلت له اى واقسم بالله ما تفرق بس حبيت اشوف انتظرت بعد ما قلى اجيك تقريبا ساعه او ساعه وربع لا حياه لمن تنادى وبفضل الله انا من سكان المنطقة 25 سنه وقمت بتصالتى على مشرفين مواقع حولى قلولى الشهر هذا تقريبا 20 شخص محترم مثلك تركهم والله اعلم وعندهم نص 18 فرد دقت فى راسي يوم شفت الاعلان هنا رسلت عبد الله قلتله امن ذاتى ولا شركه قلى شركه قلتله اسمها وموقعها قالى اسمها طيب الريان قلتلو ابو رياض مو معكم قال لا اخوى حنا فى جده وبعدها قال عفوا طيف الريان ما دقت براسي عدينها وتفاجئت باباقى الوظع ما يطمن
ياخوان المعذره على الاطاله انا عشت معكم بطاله لين سارت فى دمى اكثر منهم وواجب ابلغكم بما حصل الهم اشهد قد بلغت ملاحظة لمن يكتمل العدد نعطيكم اجازه جيب لنا افرد ونخليك مشرف او نعطيك على الفرد كذا وكذا اكثر هذى الشركات او الموسسات وظعها مو فى السليم الا من رحم
وهذا وظعهم ويشهد الله ماقلت غير الى صار معى وشفته وسمعته
لان كثير محتاج الوظيفه هذى او غيرها ولا يدرى باى شي والبعض ماعنده حق الاجره يجيها
بس اقوووول اتقوووو الله فى خلقه
ولا اقول غير حسبنا الله ونعم الوكيل وافوض امرى الى الله ان الله بصير بلعباد