شوفي انا قبل كم يوم قلت كذا ليش مانطالب ونحاول ونكلم ومدري ايش لكن جلست مع نفسي كثير وفكرت صح لقيت انهم فاهمين وعارفين اننا نعيش بفقر وفاهمين وش سوو فينا من عذاب نفسي برمضان شهر الرحمه والصوم والله مايخفاهم والشي الثاني تاخير المقطوعه والسله يبون نبلش فيها وندعي ان بس نمسك وضعنا الي حنا فيه مانطالب بالمزيد يعني زي عصى التاديب لانهم سمعو صوت مطالبه بزياده المعاش ( قالو نشغلهم بشي اخس)
الحل بكذا : الي يقدر يعز نفسه يعزها
المطلقه تحاول ترجع لبيتها اوتتزوج زواج صح وتعيش حياة كريمه
والي شاب وياخذ ضمان يبحث عن عمل اكرم له
والي دخله ضعيف يسوي اي مشروع او يشتغل على سيارته
عني انا الي اكلمكم عمري كبيرررر وعندي مشكله بالسمع ( سمعي ضعيف ) ومالي احد الا الله وبيتي ايجار
يعني معد ينفع اتزوج احد يعيشني حياة كريمه بعيد عن ذل الضمان
قبل 3 سنوات اشتغلت بمشغل قريب من بيتي براتب 1000 ريال
شغلي اسجل الفاتوره واحفظ الفلوس
واجهتني مشكلة السمع لانه الزبونات يكونون بنقاباتهم وانا اعتمد على حركة فم الشخص وافهم الكلام فورا مثلي مثل اي احد طبيعي
لكن اذا صار الصوت ضعيف ومااشوف وجه الشخص هنا المشكله
لاحظت صاحبت المشغل هذا الشي ( ضعف السمع ) وجرحتني بكلامها قالت انتبهي ع نفسك وحطي سماعه
وقتها رجعت بيتي وانا ضايق صدري من كلمتها وقررت اروح اعالج نفسي كشف علي الدكتور وسوو لي اختبار للسمع وقال لازم سماعه
من وين يادكتور؟ قال من التاهيل الشامل
اخذت الاوراق ورحت لهم والحمد لله صرفو لي سماعه واعانه الفين اخذها كل سته شهور
الالفين ذي نفعتني ببعض ايجار سبحان الله رب ضاره نافعه
انا اصلا ماكنت ادري انه فيه شي اسمه تاهيل احسب الدكتور يصرف لي السماعه من نفس المستشفى ومحد علمني طول عمري لي حقوق ومااعرفها بس سبحان الله المدبر
الموظف قال لو تاخرتي كم شهر ماقبلناك لاني عمري صار كبير
المهم السماعه ماعرفت لها ولا قدرت اتعود عليها
احسها تضايقني ولا انتفعت بها والله
كنت احسب بمجرد ماالبسها اصير اسمع صح واقدر اترك الضمان واشتغل بمحل نسائي اواستقبال بمستوصف واعز نفسي
بس الحقيقه ماصارت كذا السماعه لازم لها احد فاهم يوزنها صح ويختبر سمعك
انا وزنتها مرتين بس ماضبطت مدري وين الخلل بالسماعه بجهل الموظف الي ع الكمبيوتر مدري
والحين حتى لو ضبطت معي وصار سمعي ٪‏
معد ينفع اتوظف بمول اواستقبال معد يبون الاشابات وحتى لو كانت الوحده بصحتها يرفضونها ويفضلون الصغيره عليها
حاولت اشتغل اي شي ابيع بخور العاب اطفال بس ماحد يشتري مني لانها كانت على قد فلوسي ماهي مرغوبه وكانت تجلس عندي اضطر ابيعها براس مالها فتركت الشغله ذي وجلست انتظر السله ومعاش كل شهر والمقطوعه الي يمكن تجي من نفسها واقدر اسدد الايجار ،،،،،،
الرزق من عند الله سبحانه وتعالى
انا كتبت كلامي انصحكم يالي تقدرون تنفذون بجلدكم من الذل ذا انفذووو بدون تردد
والي مثلي خلاص يصبر ويتعايش وماباليد حيله.. الحمد لله..