المشاركة الأصلية كتبت بواسطة هموم عذرى

السلام عليكم كيفكم
وعليكم السلام ،، بخير دامك بخير


في بالي اني اخذ طاوله واسوي قهوه وشاهي في مكان عام ؟
الفكرة حلوة اسمعي كلام اخوك واشتغلي في البطاطس المقليه خذي بطاطس مفرز وافضلها شركه ماكين كنديه ونفس بطاطس ماكدونالدز وبرجر كنج و يجي نوعين تلاقينه بكارفور وهايبر بنده بس خوذي نوع مكتوب علية اعواد رفيعه ، واللي يشترون منك الكبار قبل الصغار ووجبه خفيفة ويقدم مع البطاطس صلصة الثوم وسلطة الدوقس الحاره او الشطة العادية والكاتشب فقط مع لبس قفازات طبية وجميع الأدوات نظيفه ولامعه وبراقه ، وتقدم بطريقه راقيه ( صحن بلاستك صغير + شوكه بلاستيك صغيرة + علبة بلاستيك لصلصه ) ولكي تتضح الصوره :

القلفز الطبي

علبة بلاستيك توضع فيها الصلصه

اشواك بلاستيك

صحن بلاستيك (اصغر حجم)

الشكل النهائي واضيفي الشوكه


الكيس الواحد يطلع لك ما يقارب 30 صحن تبيعي الصحن بـ 5 ريال هذا كيس واحد فقط اجزم انك في اليوم الواحد بتوصلين الى 3 اكياس على الميت وعليك الحساب .

لكن خايفه انه ممنوع وكذالك ماعندي محرم يكون معاي ومتخوفه من هاالنقطه ؟
لا تخافي المنع على غير السعودي خصوصا انك مواطنه واهتمي بالنظافه فقط وما راح احد يتعرضك .


مو جريئه شخصيتي خجوله واخاف بعد ياثر علي وان شاء الله ماابي اطول في هالشغلة ؟
الجرائة بسيط موضوعها وراح تتعلمي من اول اسبوع وعلشان ابين لك انو الموضوع اسهل مما تتخيلين
الزبون : بكم الصحن ؟
انتي : بخمسة ريال معه صلصلة من اختيارك ( كاتشب - شطه .. الخ )
الزبون : طيب سوي لي اثنين وحطي وحدا بشطه وواحد بكاتشب ؟
انتي : ابشر
خليك حازمه في تعاملك وجديه ولا تتركين مجال لسوالف ، صدقني الكل راح يحترمك ، شفتي الزبون راعي سوالف قولي له هذا مصدر رزقي وانا جاية اترزق الله فأحترم نفسك لان اخواني معاي وما ابي مشاكل حتى لو لم يكن معك محرم . خصوصا انك ما راح تطولين في الشغلة .



وكذالك البلديه لازم ترخيص ولا عادي واذا فيه ترخيص ايش اقول لهم باالضبط ؟
البلدية اذا جوك قولي انا بنت البلد وشغلي كله نظيف وهذا مصدر رزقي الوحيد ولولا الحاجة ما طلعت من بيتي . هذا في حالت انهم جوك واحيان يجون بس علشان يتأكدو اذا بنت البلد او لا فتطمني من هالناحية وتوكلي على الله .


ومتى ابدى من عصر ولا المغرب واشيل اغراضي بعد العشاء بساعه ؟
العمل من 4:30 عصرا الى 10:00 مساءاً مناسب جدا وهذا الوقت الغالب يكون الناس فيه في الامكان العامة .