أنا واحد عانيت 10 سنوات بطالة
لا أنكر وجود الواسطة لكن ليست كل المسابقات واسطة
وغالبا تشرف عليها شركات لاعلاقة لها بالمنشأة ..

هذا في الاختبار التحريري لكن وين تبدأ الواسطة أنا أقولك
لما تنجح أنت و10 معك بالتحريري وتجي المقابلة وأنت أفضل منهم بالإختبار
يخفسون فيك في المقابلة ويرفعون ربعهم لأن اللي يقابلك من المنشأة وليس من الشركة ..

التحريري لايمكن التلاعب فيه (في الغالب) لأن زي ماقلت هناك شركات تستلمه
والتصحيح مايصير في نفس المنشأة
التلاعب غالبا في المقابلة الشخصية .. لذلك احرصوا عليها بقوة
الابتسام والثقة والرد والبدل وحسن التصرف .

أذكر مرة أخذت الأول في الاختبار على جميع الوظايف
واللي فاز بالوظيفة التاسع ! وكلنا دبلوم ..
وماحطوني حتى أحتياط !

ولاننسى وظايف البنود والمستخدمين زي ماقال الاخ هاذي وظايف الشرهات
في بعض الدوائر يتم التوظيف عليها بدون مسابقات ..


والله العظيم سابقت على وظيفتين ونجحت فيهم كلهم وعديت فيهم
وتعينت بالأولى وجتني الثانية بعد 4 شهور وتركت الأولى
بلا واسطة غير رب العالمين

الله يوفقكم جميع