الان حسبي الله عليهم ماعاد يطلعون صك إعاله إلا بحضور الأب والله العظيم أمس راحت وحده تيغى تطلع صك إعاله على بنتها متخرجه من كلية الطب وتبغى صك الإعاله بس للموافقه على التوظيف بالرغم أن الأم عندها صك حكم شرعي يثبت هجران الأب لبنته من الولاده وعدم صرفه عليها طوال كل السنوات والأن البنت تبغى تتوظف دكتوره وشرط المستشفيات لازم موافقة ولي الأمر يعني البنت وين هالحين تتوظف الام أتعبت في تربيتها وصرفة دم قلبها وبالأخر تنحرم البنت من الوظيفه وللعلم القاضي اللي رفض يعطي الأم هو اللي عنده قضية الهجران وعارف بكل شئ ماندري حنا يالأمهات متى نفتك من الظلم والله العظيم صرت أخاف إذا كبروا أطفالي وش بيصير هل بتزين الأمور ولا بتسوء وين حقوق المطلقات وأبنائهم وبناتهم حنا المطلقات والله نشعر بظلم عظيم وقهر ونفكر بمستقبل أطفالنا حسبي الله ونعم الوكيل